泰廚泰國菜館

营业中

休息中

虽然话今年市道唔好，但新年出外吃饭，少不免会加价或加一，但估唔到泰厨泰国菜仲可以免加一，初一二三都留在家，家中嘅粮食都食晒，就同屋企人去左菜厨食。泰式小食拼盘($85)哩个小食拼盘可以一次过试匀炸虾片、炸虾饼、炸鱼饼、炸春卷同沙嗲串烧，每款两件，两个人食啱啱好。虾片同春卷都好香脆，虾饼同鱼饼够弹口，串烧一串猪一串鸡，大大串烧得够晒火喉，但肉质又唔会太干，非常抵食。泰式木瓜沙律($72)木瓜沙律都几大份，有木瓜丝、番茄同花生碎，辣度约小辣程度，但味道有啲单调，较为普通。左: 泰式椰汁冰($24)右: 红豆冰($22)椰汁冰好重椰子味，杯底有啲类似雪蛤糕嘅嘢。红豆冰红豆煲得够腍，都饮倒少少椰汁味。泰式炒金边炒($68)金边粉好大碟，足够两三个人食，入面加左虾、鱼条、葱段同花生碎，食之前可以加啲青柠汁。金边粉炒得够松，唔会黏埋一旧，甜度适中，味道不错。总结，除左泰式木瓜沙律较为失望，其他食物都唔错，份量够仲唔洗加一，非常抵食。