PizzaExpress (東薈城名店倉) (已搬遷) 新店位置

今日去咗东涌探亲戚，无人想煮饭，于是去咗Pizza Express叫外卖。外卖自取可享85折优惠，好抵！佢哋有个新年「金玉满堂」menu，当然要叫几款试吓。金玉满堂海鲜薄饼 $218薄饼馅料十分丰富，有XO酱小元贝、虾肉、抱子甘蓝、芹菜、水牛芝士、车打芝士、巴马臣芝士及番茄酱。一打开盒，香气扑鼻，令人食指大动🤤。热辣辣，脆卜卜，海鲜鲜味十足，三款芝士，咸香浓郁，滋味无穷！意式龙虾海鲜汤粗管通粉 $268龙虾汁香浓厚滑，做到挂汁效果，加入西芹菜味道更香。龙虾🦞原只上，味道鲜甜，肉质富弹性。粗管通粉特别烟韧有嚼劲，煮到Al Dente的口感，令人食到停唔到口。牛肝菌羽衣甘蓝螺丝粉 $178新口味，深被它的卖相吸引，自己本身好钟意香味独特嘅牛肝菌同微苦爽实嘅羽衣甘蓝，哩个螺丝粉嘅配搭真系啱晒我。味道清新，健康之选，如果可以多返少少汁会更好味。