稻香 (已結業)

农历新年期间同屋企人去咗稻香饮茶,𠮶日见张点心纸有唔少新春意头菜,其实即系平时嘅嘢,不过就改咗其他名.我哋叫咗个叫金砖满屋嘅菜式,即系七味豆腐件,的的骰骰咁嘅豆腐外皮炸得薄脆,表面蘸满七味粉,食落香口,内层都算滑溜.原虾烧卖皇,上面用咗虾籽同原只虾仁点缀,入面嘅绞肉都加咗只虾仁,扎实爽口有肉汁.金勾炸两肠,肠粉皮加咗啲青葱,厚薄度适中,不过包晌中间嘅炸两几腍,稍为争咗少少口感.炼奶炸馒头,其中一只炸馒头炸得过火咗少少,表面颜色较深,好彩外层脆口,内层松软唔痴牙,蘸少少炼奶一齐食都唔错.