Golem Craft Beer (已結業)

星期日冇野做，同屋企人落一落街食个lunch，石门其实冇乜得简，就简左间西餐厅食，但居然出乎意料地正㖞！一嚟到我地就叫左4个lunch set，其实佢选择都几多，价钱又合理，西餐嚟讲真系算性价比高啦。Lunch set 会有餐汤/沙律+主食+饮料。叫左个香浓鲜茄大虾意粉，其实我唔食得辣，但佢只系少少地，又唔太过，所以其实都几香口，几特别，蕃茄味都好浓郁，唔错！牛油果烟三文鱼沙律好开胃，清新又爽口，我最中意食啲咁新鲜嘅蔬果，做前菜好适合。呢个黑松露卡邦尼意粉，我略嫌佢有少少咸，但其实整体来讲都落足料，味道好香黑松露，闻到都醒神。呢个安格斯肉眼（10安士）我地叫左七成熟，好中意啲见到血水既牛，感觉好新鲜。佢仲切到好厚，食落口感好丰富！虽然望落好多血水，但系熟嫁，唔会太生食唔落口。野饮方面，本来想试下佢既手工啤，但系我食个日未有人整，所以无得试，不过唔紧要啦，要比多次个机会我黎试。我地分别叫洋甘菊花茶，不过佢无壶，有少少失望。仲有Hot cappuccino, Iced Latte。