影片
更多
2023-04-03
710 浏览
📌 UPLACE) - 土瓜湾九龙城道68号瑧尚U PLACE 地下G02-03号舖🗓(2/4) 星期日 ⏰ 中午12点左右 💈特式：以前系荃湾区做野，所以不时都会去呢间餐厅嘅旧舖，当时最钟意叫佢地个特大火腿奄烈，真系够2~3个人食，另外佢地d甜品，例如凤凰奶糊/杏仁奶糊都系一绝，坊间少有，仲有d特色饮品都系高质素，但呢间土瓜湾分店就真系逊色好多。🥩🍔🌭🌮🥗🥯🥘🍲🍝🍣🥟🍤🍱食物：今日一行4人，主力都系叫d特色/餐厅推介食物，例如超厚鸡蛋咸牛肉三文冶/大满足火腿奄烈/爆脆阿华田西多士等等，而家等我同大家讲下味道先。滑蛋沙嗲牛肉烩意粉 - 沙嗲牛肉味道真系几ok的，肉质亦唔错，滑蛋就系普通炒蛋，意粉口感亦做得唔错，但如果唔捞埋沙嗲牛肉食就完全无味，整体质素系几好，但卖$57蚊就真系一d都唔值。卤水豆腐 - 个豆腐大约一个成年男士拳头咁大，佢分左3件，味道都可以，表皮亦烟靭有咬口，但卤水味只系上到个面，入面只系得普通豆腐味，一件卤水豆腐卖$17蚊都系偏贵。豉油皇鸡翼(3只) - 3只鸡翼卖$24蚊就点都一定唔值，好食到识飞都系咁讲，其实佢个味同卤水豆腐差唔多，而且都有同一个缺点就系
🗓(2/4) 星期日 ⏰ 中午12点左右
💈特式：以前系荃湾区做野，所以不时都会去呢间餐厅嘅旧舖，当时最钟意叫佢地个特大火腿奄烈，真系够2~3个人食，另外佢地d甜品，例如凤凰奶糊/杏仁奶糊都系一绝，坊间少有，仲有d特色饮品都系高质素，但呢间土瓜湾分店就真系逊色好多。
🥩🍔🌭🌮🥗🥯🥘🍲🍝🍣🥟🍤🍱
食物：今日一行4人，主力都系叫d特色/餐厅推介食物，例如超厚鸡蛋咸牛肉三文冶/大满足火腿奄烈/爆脆阿华田西多士等等，而家等我同大家讲下味道先。
滑蛋沙嗲牛肉烩意粉 - 沙嗲牛肉味道真系几ok的，肉质亦唔错，滑蛋就系普通炒蛋，意粉口感亦做得唔错，但如果唔捞埋沙嗲牛肉食就完全无味，整体质素系几好，但卖$57蚊就真系一d都唔值。
卤水豆腐 - 个豆腐大约一个成年男士拳头咁大，佢分左3件，味道都可以，表皮亦烟靭有咬口，但卤水味只系上到个面，入面只系得普通豆腐味，一件卤水豆腐卖$17蚊都系偏贵。
豉油皇鸡翼(3只) - 3只鸡翼卖$24蚊就点都一定唔值，好食到识飞都系咁讲，其实佢个味同卤水豆腐差唔多，而且都有同一个缺点就系卤水味只系上到个面，入唔到入面。
大满足火腿奄烈 - 我好耐无去过荃湾间总店食唔知佢地系咪都缩左水，但以我记忆，呢个奄烈系我之前系荃湾食嘅一半size都无，馅料份量亦都少得可怜，但就卖$36蚊，比起荃湾menu上的火腿小奄烈$33蚊，仲要贵多$3蚊。
超厚鸡蛋咸牛肉三文冶 - 呢个三文冶做得系出色的，不过略嫌咸牛肉份量少，个种咸香味道唔系好出，我地加左$2蚊转烘底，出嚟个感觉系比正常方包好食香口，加埋烘底收$36蚊。
爆脆阿华田西多士 - 呢个系套餐，包埋一杯冻阿华田脆脆，夹埋就$60蚊，价钱都系偏贵，不过个西多士味道真系唔错，表面有阿华田脆脆，入面就有少少花生酱，不过如果佢入面改用阿华田酱相信会更好。
☕️🍵🥤🧋🍺🍷🥃🍹🧉🍾🍶🥛
饮品 : 除左跟餐个杯冻阿华田脆脆，我地另外仲叫左蛋白杏仁茶/佛手柑金枣茶/柚子蜜。
杯阿华田就系正常阿华田一杯再加左阿华田脆脆，但冰太多，越饮越无味；蛋白杏仁茶好淡，唔够味；佛手柑金枣茶同柚子蜜两杯饮落都无乜分别，都唔系好分得出有咩唔同，而且有点过甜。
🍽环境：餐厅环境就系正常茶餐厅/冰室格局，整体都干净同企理，但坐位就偏迫夹，而家枱面空间有限，枱面本身已放置餐具同调味，再放多2~3碟食物已经无晒位置咁滞，但值得一赞系呢间舖有几张户外枱可以比人带宠物入坐。
🤵🏻🤵🏻♀️🤵🏻♂️服务：员工服务正常，落单系扫枱面QR Code，上菜速度就一般，有某d食物/饮品要一催再催先上到。
💰💸价钱：叫左收上食物/饮品，埋单就$301蚊，我就觉得唔算好贵，但味道只系普通茶餐厅级数，就未致于要卖到呢个价钱。
🐲💬总结：只可以话佢地土瓜湾呢间舖只系普通茶餐厅嘅级数，同佢荃湾总店相差好远好远，我情愿花时间搭车去荃湾食都唔会因为就脚而帮衬。
推荐指数：❤️❤️🤍️🤍🤍
滑蛋沙嗲牛肉烩意粉
$57
31 浏览
0 赞好
0 留言
21 浏览
0 赞好
0 留言
大满足火腿奄烈
$36
14 浏览
0 赞好
0 留言
超厚鸡蛋咸牛肉三文冶
$36
18 浏览
0 赞好
0 留言
爆脆阿华田西多士
$40
10 浏览
1 赞好
0 留言
佛手柑金枣茶/柚子蜜
11 浏览
0 赞好
0 留言
张贴
