影片
更多
2019-08-09
61 浏览
隔离街路口铺位长期系短期散货场，突然间一头半个月就大兴土木，开左新款茶餐厅食店，专卖「叉烧」。望落装修几靓，咪试下咯～一个星期内我帮衬左3次，3次都系下午6点咁上下，次次都包场咁款～可能邻近工厂区都放工，而住宅区又未放工返到屋企😆第一次：叉烧滑蛋饭+红豆冰🥢🥢叉烧系瘦同埋都腍，但系冻冰冰，无烧焦啊脆边啊之类！同埋一D甜味都无，咸咸地咋！跟住个滑蛋啦，有葱花（平时青葱我都食）之但系加油同腌料整既葱花，好味精啊，同个饭同叉烧一D都唔夹！碗饭好大，有甜酱油，唔死咸，都OK但系食唔哂...红豆冰不过不失。第二次：特浓🍅汤通粉配肠仔火腿炒蛋猪仔包🥢先讲个特浓🍅汤，都唔系好浓，一般茶餐厅水准。 叉烧有3小片，浸湿左汤，食唔到有咩味😂肠仔系厨师肠，炒蛋正常，之不过呢个脆猪包一D都唔脆！又唔热...（我自认好大食同唔浪费，但系呢个餐我真系食剩1/3，好罪过）第三次：招牌叉烧双蛋饭🥢🥢🥢叉烧终于系烧浓脆边，都有6-7片，几好食，仲半熟蛋2只、菜心一条，最紧要系先叫走葱同少饭！算系几好食啦...总结：每餐都过$50，除左环境新外，呢个价钱真系附近有好多选择...例如叉烧有「友X坊」，特浓🍅汤有「Wanna
一个星期内我帮衬左3次，3次都系下午6点咁上下，次次都包场咁款～可能邻近工厂区都放工，而住宅区又未放工返到屋企😆
第一次：叉烧滑蛋饭+红豆冰
🥢🥢叉烧系瘦同埋都腍，但系冻冰冰，无烧焦啊脆边啊之类！同埋一D甜味都无，咸咸地咋！
跟住个滑蛋啦，有葱花（平时青葱我都食）之但系加油同腌料整既葱花，好味精啊，同个饭同叉烧一D都唔夹！碗饭好大，有甜酱油，唔死咸，都OK但系食唔哂...
红豆冰不过不失。
第二次：特浓🍅汤通粉配肠仔火腿炒蛋猪仔包
🥢先讲个特浓🍅汤，都唔系好浓，一般茶餐厅水准。 叉烧有3小片，浸湿左汤，食唔到有咩味😂肠仔系厨师肠，炒蛋正常，之不过呢个脆猪包一D都唔脆！又唔热...（我自认好大食同唔浪费，但系呢个餐我真系食剩1/3，好罪过）
第三次：招牌叉烧双蛋饭
🥢🥢🥢叉烧终于系烧浓脆边，都有6-7片，几好食，仲半熟蛋2只、菜心一条，最紧要系先叫走葱同少饭！算系几好食啦...
总结：每餐都过$50，除左环境新外，呢个价钱真系附近有好多选择...例如叉烧有「友X坊」，特浓🍅汤有「Wanna Exx」...
特浓🍅通粉
12 浏览
0 赞好
0 留言
叉烧双蛋饭
9 浏览
0 赞好
0 留言
张贴
