偶遇台北 (矽谷山)

营业中

休息中

喺附近屋苑打完波，专登过嚟食个晏。因为知呢度新开，都有好多朋友话好好食，专登行过嚟试吓。啲嘢食卖相都唔差，但系用环保兜就好似食外卖咁，感觉唔良好。同埋个匙羹好似雪条棍咁，𢳂唔到啲面同埋啲汤。仲有个珍珠奶茶，冇得拣甜度，本身想走甜都走唔到。侍应话一早已经冲好晒最多帮你落多啲冰，但系嚟到嘅时候杯嘢又唔多冰都系劲甜。不过呢珍珠系黑糖珍珠都整得几好。香酥鸡同杏鲍菇正常水准。值得一赞系啲卤肉有肥猪肉唔会过瘦系几滋味。花枝丸就冇乜特别，另外希望佢改善吓啲牛肋条，真系炆得唔够淋。不过始终都系新开，相信有好大嘅进步空间。