銀座•鮨

营业中

休息中

嘉湖银座新店终于有时间来试下，午市就算成点几都满座，睇来都几受街坊欢迎。费话完毕，正题。午餐选择唔算多，正正常常。牛油果软壳蟹手卷，软壳蟹比较细只，而且不是即炸，一般。寿司定食点了多饭都系比较少饭，唔知系无多到还是已经多咗，鱼生都切得正常厚，但新鲜程度一般，无咩原本食材味道。定食配的乌冬都系一般，海苔比较硬身。芝士年糕是即炸，热辣辣几好食。比目鱼定食，个比目鱼腌制过，盖过晒个鱼味，配白饭系好，但个白饭就完全无饭味冇黏性，怪怪的，唔似用日本米。鸡软骨饺子一样热辣辣，唔错。无错，又系妹仔大过主人婆，小食做得唔错，但个主食就好一般，价钱正常，但如果质素可以高点我又唔介意贵点的程度。店员有礼，环境清洁，上菜速度正常，希望食材上可以改进。