山系。本舍

营业中

休息中

太子界限街一家明亮嘅小店，睇住呢个铺位又装修变成宜家咁文青系嘅日式小店，所以揾个午市时段嚟呢度食个午餐。同店主倾偈先知道原来刚开业一星期，所以真系新鲜出炉嘅餐厅呢！店舖光洁明亮，地方骨子，麻雀虽小五藏俱全。每一处都见到店主用心装饰和设计。堂食大概有10个座位，吧枱嘅设计俾人轻松嘅感觉。餐牌食物选择比预期中多，有杯果三文治、饭、沙律及乌冬等。价格80至$120左右，而家新开张，店主会送餐厅自制特色饮品呢！原条日本蒲烧鳗鱼贝果三文治$148背果三文治由店主亲自制作，原条鳗鱼非常美味，厚肉而且鳗鱼汁调味刚刚好，唔会太咸。配上背果面包，原来系美味而且非常配合嘅拍档。吾卵系叉烧饭$78食材选用日本直送嘅鸡蛋、以及猪肉，叉烧亦都系店主秘方主理，加上猪肉嘅脂肪及肉比例刚刚好，所以入口甘香，幸福满溢感觉100分。定食套餐配有精美沙律及前菜，相当开胃而且夏天非常啱食。今日嘅特饮系绿茶，香浓绿茶味配上少甜嘅味道，赞啦！整体感觉非常满意，希望店主努力，吸引到越来越多人嚟呢度食优质嘅日本料理。