影片
更多
2016-03-04
741 浏览
煲仔饭新店筲箕湾不嬲多野食，今次司令试左间新开既餐厅，小菜、煲仔饭一应俱全，性价比亦都好高。 椒盐九肚鱼 ($65)食得小菜，椒盐一向都会系司令必叫既系列😝。今次司令叫左椒盐九肚鱼🐟，咬落觉得粉浆唔厚，而鱼肉肉质嫩滑，都算得上系外脆内软。配上椒盐炸蒜，咸咸香香，送啤酒🍻一流呀！ 窝蛋牛仔肉煲仔饭 ($62）饭既份量算多，而且牛肉亦都唔少，配上蛋同煲仔饭特别既豉油，风味十足😚。简直啖啖饭又啖啖肉，而肉亦都好滑，唔会韧😍！而配埋煲边既饭焦食，令到个饭更加香口！但可能因为系窝蛋，所以饭会较湿润，但司令略嫌佢太湿，少左粒粒分明既感觉。 白鳝煲仔饭 ($70)白鳝肉非常多，布满哂成个煲，配上绝配嘅豆豉同葱，鲜味十足😋。而鱼🐟本身亦都好新鲜，咬落弹牙，一d 都唔会霉呀！底下嘅饭仲吸收哂豆豉同特制豉油嘅味道，味道香浓。而且食落仲有淡淡既果皮香，所以唔会有鱼腥味，仲令到个饭更加香添👅，剩系食饭已经食到司令停唔到口。 煎封龙脷鱼 ($118）厨师将原条龙脷鱼煎到脆卜卜，再加上特调既酱汁上碟。就咁睇，已经觉得会唔错😏！司令影完相就即刻夹嚟食，虽然扁身，但肉质好滑，可见厨师控制
筲箕湾不嬲多野食，今次司令试左间新开既餐厅，小菜、煲仔饭一应俱全，性价比亦都好高。
椒盐九肚鱼 ($65)
食得小菜，椒盐一向都会系司令必叫既系列😝。今次司令叫左椒盐九肚鱼🐟，咬落觉得粉浆唔厚，而鱼肉肉质嫩滑，都算得上系外脆内软。配上椒盐炸蒜，咸咸香香，送啤酒🍻一流呀！
窝蛋牛仔肉煲仔饭 ($62）饭既份量算多，而且牛肉亦都唔少，配上蛋同煲仔饭特别既豉油，风味十足😚。简直啖啖饭又啖啖肉，而肉亦都好滑，唔会韧😍！而配埋煲边既饭焦食，令到个饭更加香口！但可能因为系窝蛋，所以饭会较湿润，但司令略嫌佢太湿，少左粒粒分明既感觉。
白鳝煲仔饭 ($70)
白鳝肉非常多，布满哂成个煲，配上绝配嘅豆豉同葱，鲜味十足😋。而鱼🐟本身亦都好新鲜，咬落弹牙，一d 都唔会霉呀！底下嘅饭仲吸收哂豆豉同特制豉油嘅味道，味道香浓。而且食落仲有淡淡既果皮香，所以唔会有鱼腥味，仲令到个饭更加香添👅，剩系食饭已经食到司令停唔到口。
煎封龙脷鱼 ($118）
厨师将原条龙脷鱼煎到脆卜卜，再加上特调既酱汁上碟。就咁睇，已经觉得会唔错😏！司令影完相就即刻夹嚟食，虽然扁身，但肉质好滑，可见厨师控制火喉同时间都好好。鱼肉亦都好配个汁，甜甜咸咸咁，香口又好味！碟上面仲会有刀叉🍽，司令建议大家用🍴，唔好就咁用筷子夹夹夹。😳😳因为司令夹到啲鱼弹到周围都系。
张贴
