影片
更多
2024-10-13
1843 浏览
西班牙菜我唔系成日食不过老婆大人佢呢就好钟意，作为贴心嘅老公梗系乐意陪佢食返餐劲㗎啦。荔枝角D2 Place呢间Rustico都有好多年历史但我未食过！呢晚终于有机会同老婆大人嚟食新厨嘅菜式。用红砖墙做装修主要嘅格调真系好有西班牙嘅感觉，餐厅入面嘅气氛真系好唔错。老婆大人话餐厅啱啱嚟咗位新嘅总厨Javier Pérez Freire，咁梗系即刻约朋友落嚟试吓佢嘅手势啦。成日都觉得食西班牙菜一定要饮Sangria，我同老婆大人拣咗一红一白嘅Sangria，白酒饮落清香啲红酒就比较甜口。安达卢西亚式西班牙蓝鳍吞拿鱼生鱼片，用咗西式生腌嘅方法嚟炮制蓝鳍吞拿鱼，食落去吞拿鱼个质地好软滑，酸酸地嘅醋香味食落去好醒胃。加泰罗尼亚橄榄油烤蔬菜配油浸西班牙蓝鳍吞拿鱼腩又有另一种感觉！佢系用慢煮油封嚟整西班牙蓝鳍吞拿鱼腩，食落去个口感更加香软，配埋佢好特别嘅雪梨酒醋调味好有特色。加纳利群岛皱纹马铃薯配双色传统辣酱，呢个手指薯仔深得老婆大人欢心，薯仔本身已经好香浓好味，点咗辣辣地嘅红、绿色辣椒酱个味就仲正斗。阿斯图里亚斯特色烩白腰豆做睇落去好似汤，但其实佢系一个多汁嘅烩白腰豆菜，除咗白腰豆之外入面仲有辣肉
荔枝角D2 Place呢间Rustico都有好多年历史但我未食过！呢晚终于有机会同老婆大人嚟食新厨嘅菜式。
用红砖墙做装修主要嘅格调真系好有西班牙嘅感觉，餐厅入面嘅气氛真系好唔错。
老婆大人话餐厅啱啱嚟咗位新嘅总厨Javier Pérez Freire，咁梗系即刻约朋友落嚟试吓佢嘅手势啦。
成日都觉得食西班牙菜一定要饮Sangria，我同老婆大人拣咗一红一白嘅Sangria，白酒饮落清香啲红酒就比较甜口。
安达卢西亚式西班牙蓝鳍吞拿鱼生鱼片，用咗西式生腌嘅方法嚟炮制蓝鳍吞拿鱼，食落去吞拿鱼个质地好软滑，酸酸地嘅醋香味食落去好醒胃。
加泰罗尼亚橄榄油烤蔬菜配油浸西班牙蓝鳍吞拿鱼腩又有另一种感觉！佢系用慢煮油封嚟整西班牙蓝鳍吞拿鱼腩，食落去个口感更加香软，配埋佢好特别嘅雪梨酒醋调味好有特色。
加纳利群岛皱纹马铃薯配双色传统辣酱，呢个手指薯仔深得老婆大人欢心，薯仔本身已经好香浓好味，点咗辣辣地嘅红、绿色辣椒酱个味就仲正斗。
阿斯图里亚斯特色烩白腰豆做睇落去好似汤，但其实佢系一个多汁嘅烩白腰豆菜，除咗白腰豆之外入面仲有辣肉肠同埋血肠，所以饮落去嘅味道都几香浓仲好饱肚呢。
呢碟马德里式烩牛肚有好浓郁嘅牛肉味道！蜂巢牛肚整得好腍好入味，仲有好多鹰嘴豆、辣肉肠、伊比利亚火腿所以口感劲丰富。
巴斯克式Pil Pil酱汁鳕鱼面颊！食鱼食面珠墩大家都知有几滑，加埋呢个系银鳕鱼就滑上加滑，呢个银鳕鱼个味系有啲酸酸香香咁同中式鱼嘅味道分别好大，都系一个几新奇特别嘅味觉体验。
嚟到今晚打大佬嘅时候！呢件系加利西亚顶级熟成Rubia Gallega肉眼，Rubia Gallega系西班牙西北部加利西亚的原生牛品种，唔知道整出嚟个味道系点嘅呢。
Chef Javier先俾我哋影咗呢件劲大嘅牛肉，然后再切开俾我哋慢慢叹。
哗！呢个系我最钟意嘅三成熟，几咁粉嫩睇见都已经流口水！大厨只系好简单用盐嚟调味冇多余嘅酱汁，所以我哋可以食到呢个牛嘅原汁原味。
超级粉嫩的肉眼颜色好迷人！食落去肉质都好柔软有唔错嘅牛肉香味，老婆大人唔食得牛但系对侧边嘅青椒同炸薯仔就表示非常欣赏。
阿拉贡慢煮羊膝配坚果蒜油酱！呢个羊膝用慢煮嘅方法令到肉质好鬼软熟，跟住配返个坚果蒜蓉酱食落真系好酥香。
呢只卡斯提亚传统烤乳猪简直系表演菜式，因为侍应会用一只碟嚟切开乳猪表现佢有几咁香脆。
呢只乳猪个皮好脆肉质都好嫩滑而且仲好肥美添！食落乳猪好香口但同时亦都好邪恶，同朋友一齐分享就最啱啦。
饱肚嘢有呢一大镬传统瓦伦西亚鸡肉炖饭！呢个炖饭除咗有鸡肉之外仲加咗白豆同埋青豆，淀粉质劲丰富肯定会饱到一个点。
到最后大家记得要嗌呢个Porrón Cider挑战吓自己嘅口技！喺唔可以掂嘴嘅情况下同朋友分享呢一壶cider，好饮之余又好玩仲可以促进朋友间嘅感情哈哈。
张贴
