雪吧音樂餐廳

营业中

休息中

位于山林道既雪吧新开张无几耐，我以前去过河内道分店，觉得气氛环境相当好。今次新店开张，一于去支持下！餐厅干净企理，环境舒适，适合朋友聚会！小食方面，推介要试串烧秋葵，烧得好好，唔会干身，配合埋七味粉好惹味！系健康食品既好选择。另外，酿鸡翼都整得好入味，入面有芝士、蘑菇、烟肉碎和鸡肉，外面就涂左蜜糖先烧，几有BBQ既味道，值得赞既系鸡翼尖唔会烧到好㶶同埋干晒，几好食😋👍🏻！主菜系西冷牛扒，波浪型薯条系即叫即炸既，颜色系金黄色，唔会系万年油！西冷牛扒真系坚足料，劲厚身，肉质偏瘦，无咩根同埋肥膏，都几岩钟意食牛肉既健身人士😆👍🏻！沾d烧汁食会更加好味，份量真系好多，食完真系好饱🤣！