影片
更多
2019-01-13
344 浏览
话说响呢间嘢遇到我嘅至爱，就系老鼠粉😂 通常去亲食马拉嘢我一定叫鸡饭，所以今次应该系第一次食老鼠粉，真系见识浅薄，唔知系呢度做法定本身老鼠粉就系咁，煲到腍哂有啲似平时打边炉会俾朋友藐果啲呀婆乌冬咁腍到爆，当然味道渗哂入去好浓郁啦，加埋只滑蛋真系不得了😍另一道大开眼界嘅菜色系少爷豆腐，初时以为只系单纯嘅炸豆腐只系个名靓啲咁，但唔系咁简单，原来佢将豆腐压碎连埋啲鱼肉捞匀整返做方块状再炸，所以当用一个食清淡嘢嘅心情去食，但食落原来好惹味果下系好惊喜的，又其实就算唔点个汁都已经好好食，点埋就有少少过咸喇😌兰花椰浆饭就明显系服务相机啦，个饭有淡淡的椰香感觉唔错，捞埋配料食口感更丰富，另一亮点系咖喱鸡入味得嚟肉质好嫩滑，虽然咖喱少辣但都几钟意✨其他菜色都有一定水准，皮蛋有溏心够湿润唔干口海南鸡够嫩而且阵鸡香几唔错魔鬼鱼肉质超滑但个人就觉得太辣唔系好食到鱼味😌唯一有啲失色系串烧，平均四十零蚊两串其实都几贵，酱汁过甜沙嗲味唔重，不过有羊同猪颈肉就几特别，可惜羊味唔系好出，牛就削咗啲，最好食系三款中最平嘅猪颈肉，烧到好脆口但内里依然弹牙，随串烧仲送薄饼点汁食添✨
话说响呢间嘢遇到我嘅至爱，就系老鼠粉😂 通常去亲食马拉嘢我一定叫鸡饭，所以今次应该系第一次食老鼠粉，真系见识浅薄，唔知系呢度做法定本身老鼠粉就系咁，煲到腍哂有啲似平时打边炉会俾朋友藐果啲呀婆乌冬咁腍到爆，当然味道渗哂入去好浓郁啦，加埋只滑蛋真系不得了😍
另一道大开眼界嘅菜色系少爷豆腐，初时以为只系单纯嘅炸豆腐只系个名靓啲咁，但唔系咁简单，原来佢将豆腐压碎连埋啲鱼肉捞匀整返做方块状再炸，所以当用一个食清淡嘢嘅心情去食，但食落原来好惹味果下系好惊喜的，又其实就算唔点个汁都已经好好食，点埋就有少少过咸喇😌
兰花椰浆饭就明显系服务相机啦，个饭有淡淡的椰香感觉唔错，捞埋配料食口感更丰富，另一亮点系咖喱鸡入味得嚟肉质好嫩滑，虽然咖喱少辣但都几钟意✨
其他菜色都有一定水准，皮蛋有溏心够湿润唔干口
海南鸡够嫩而且阵鸡香几唔错
魔鬼鱼肉质超滑但个人就觉得太辣唔系好食到鱼味😌
唯一有啲失色系串烧，平均四十零蚊两串其实都几贵，酱汁过甜沙嗲味唔重，不过有羊同猪颈肉就几特别，可惜羊味唔系好出，牛就削咗啲，最好食系三款中最平嘅猪颈肉，烧到好脆口但内里依然弹牙，随串烧仲送薄饼点汁食添✨
张贴
