都佐 (已結業)

荃湾近年咖啡店越开越多，新开的咖啡小店「都佐」成为第一次撰文选择的餐厅首先，炎炎夏日想揾间唔使等位的咖啡店坐上两三个钟系荃湾已经好难，呢个新开咖啡店系星期日完全唔使等位，而且人数甚少，可能新开的关系，但以环境、食物和服务质素，可以肯定未来会成为网红打卡地点。是但叫左2杯咖啡，Flat White同Espresso Tonic，价钱比一般咖啡店平少少，但质素绝对唔差，拉花亦非常好，可以同Friends坐上两三个钟完全唔会被打扰真系称得上真正「叹番杯咖啡」。再来系食物质素，下午4点来当然是叫小食，见佢有个「椰菜豚肉卷」试一试，竟然有惊喜，类似系日式的椰茶卷，而且用汤浸住外貌好似中式汤卷咁，味道清新唔腻，几适合一D唔想食饭/汉堡的朋友。再来叫左2个甜品，抹茶红豆卷系十分之推介，因为抹茶系用上日式味道有点苦涩，但钟意抹茶的朋友一定会钟意，比起一般咖啡店的蛋卷，佢的质地会比较「实」，但味道好有抹茶味，都对得住价钱。服务嚟讲，除左不时会主动问食物质素之外，态度亦十分友善。系星期日只系见客唔多，唔知将来系唔系可以挨得住，但至少对喜欢坐咖啡店的朋友而言，呢间绝对系舒服，可以轻轻松松倾下计。