大丸和風食堂 (已結業)

朋友在旺角附近返工，佢话lunch hour行过女人街，见到间日式餐厅门口写住试业中，应该系新开，咁佢就话今晚不如食呢间啦。餐厅里面都几大，日系装修，座位好宽阔，坐得好舒服。餐牌都几多种类，样样都想食，最后我哋叫左个丼饭、拉面同炸鸡。和风炸鸡：份量都几多，鸡刚炸起热辣辣，脆口，佢上面仲唧左D沙律酱，食起上黎够晒味道。特盛海鲜丼：刺身有三文鱼、牡丹虾、带子、三文鱼子同埋玉子，卖相吸引架。食材新鲜，食到刺身嘅鲜味。寿司饭加左少少醋，但又唔会太酸。另外叫丼饭都会跟一个味噌汤，味噌汤味道正常。值得一提就系，餐牌上写可免费追加寿司饭，估唔到日式餐厅都会有白饭任装。黑蒜油虾拉面：虾几大只，虾肉结实爽口，唔错。拉面口感烟韧，软硬适中。黑蒜油味道几香，整体汤底较浓味，都OK㖞。