半糖主義 (已易手) 新餐厅

最近落site 经过，见开左间甜品舖，出面有宣传使用稀少糖，话可以取代平时用既砂糖，甚至阻挡血糖吸收，唔肥不特止仲可以减肥咁夸张，咪入去试下。店入面装修都几舒服，坐位都算舒适。同同事叫左个窝夫同豆腐花，卖相都几靓，豆腐花用木桶装，再加个计时器，计几时撞好。豆腐唔会太甜，窝夫几大碟丰富，生果新鲜，老板好亲切，岩岩开，有问我地意见。西湾呢边甜器店唔多，见条街人流都麻麻，对比起前两条街灯火通明，希望呢类甜器小店长做长有。