擇膳而行 (裝修中)

其实喺红磡附近都有好多平民美食今次经过红磡广场发现咗喺条巷仔度开咗一间新嘅食台湾美食嘅小店。系附近小食店的前股东再开，都想保留上手的海南鸡饭（前身系泰王海南鸡），除左保留该配方，还于卫生方面作出改善。所以见佢餐牌选择会有海南鸡饭点都要帮衬支持下。由于只有老板娘一个人做打点所以等候时间都会较长请耐心等候，但慢工出细活货，估唔到食物嘅味道质素咁令人满意10分值得等待。首先海南鸡饭鸡肉嫩滑，份量都唔少，再配上正宗嘅黄姜饭，加埋姜蓉汁简直系完美嘅配搭，食过返寻味！之后再点个麻辣手撕鸡冷乌冬，呢个啱晒钟意食辣嘅朋友。手撕鸡分量超多，真系啖啖肉，再配上麻辣蒜蓉汁捞埋个乌冬一齐食非常惹味。大大碗价钱一啲都唔贵只系$38。讲起台湾嘢点少得要食手抓饼，我哋加咗煎蛋、紫菜、肉松、芋泥。手抓饼煎得好香脆，要趁热食，馅料非常丰富，作为小食一流。最后我哋仲点咗个甜品，呢度甜品超级抵大大碗都只系$30要咗个日本Crossover配上仙草冻，入面仲有好多红豆芋圆小丸子等，啱晒烟靭控。