갈비궁 Galbi Gung

营业中

休息中

人气商场探路，见到招牌 - 韩文Galbi系牛肋排，Gung即系宫，咁即系食牛排嘅韩国餐厅啦。唔算平但唔知点解咁多人排队，喺商场行到真系好攰就同老公排埋一份，dinner休息一下～前菜6款同芝士粟米，腌青瓜同泡菜萝卜最好味～服务水准ok～2人餐都几多野食，主打烤肉、亦有料理、沙律、带子牛油烧同甜品。餐嘅烤肉款式算多，和牛肩肉、和牛外裙肉、庆州黑毛猪水果酱五花腩等等。和牛肩肉超级软淋，外裙肉就纤维多牛味更重；个五花腩肉系我喺香港食过算好味嘅level，腌酱带出肉香，烤起猪肥肉香夹爽，入口完全唔腻～但都系order左两杯soda，够大杯解渴嘅。豆腐海苔沙律同带子牛油烧份量足以，烧牛筋牛舌食落似炆炖咁入哂味好重香料味。个餐系包埋大酱汤或者水冷面 - 由于商场冷气好劲，拣大酱汤饮，好浓郁热辣辣，料足同埋牛肉好好味～餐甜品系我最钟意嘅甜品 - 焦糖布甸！仲多样特别嘅烤香蕉朱古力肉桂粉，有趣有趣。焦糖布甸较好味～！