影片
更多
2021-06-30
4159 浏览
29岁嘅牛一有女朋友悉心安排左呢餐人生食过最豪华嘅新派法国菜，三个小时食左八道菜，两份snack同饮左七杯Cocktail，每一道菜都系一件食得落肚嘅艺术品，影左太多靓相所以真系要逐一同大家介绍下呢！先简单介绍下呢间餐厅先，VEA 系用总厨Vicky CHENG同总调酒师Antonio个名嘅第一粒英文字而改成。贵为米芝连一星餐厅同2021年亚洲五十强餐厅之中嘅第十六位，想帮衬嘅话要最早28日前就要上网预约。餐厅概念系以中 X 法式菜crossover，每道菜式都唔难揾到有中餐嘅元素。即使一个八道菜嘅menu 盛惠1980大元，依然晚晚一开新reservation 即full，可见呢间法国餐厅嘅受欢迎程度。🍱𝕊𝕟𝕒𝕔𝕜𝕤 打头阵嘅系一共四款嘅signature snack，打开音乐盒上嘅纸卷写住「咸鱼白菜也好好味」，一句耳熟能详嘅广东歌词成为左创作灵感，以咸鱼，猪肉，白菜同埋鸡蛋打成cream 再酿入鸡蛋壳。几乎每个客人都会用佢黎打咭㗎。🦑𝕊𝕢𝕦𝕚𝕕 食完snack 之后第一道菜餐牌原本安排嘅系蚝，餐厅知道我唔食蚝好好地帮我转左做烧鱿鱼，配劲甜嘅台湾蕃茄同法国士多啤梨。我极度建议大家要试
先简单介绍下呢间餐厅先，VEA 系用总厨Vicky CHENG同总调酒师Antonio个名嘅第一粒英文字而改成。贵为米芝连一星餐厅同2021年亚洲五十强餐厅之中嘅第十六位，想帮衬嘅话要最早28日前就要上网预约。餐厅概念系以中 X 法式菜crossover，每道菜式都唔难揾到有中餐嘅元素。即使一个八道菜嘅menu 盛惠1980大元，依然晚晚一开新reservation 即full，可见呢间法国餐厅嘅受欢迎程度。
🍱𝕊𝕟𝕒𝕔𝕜𝕤
打头阵嘅系一共四款嘅signature snack，打开音乐盒上嘅纸卷写住「咸鱼白菜也好好味」，一句耳熟能详嘅广东歌词成为左创作灵感，以咸鱼，猪肉，白菜同埋鸡蛋打成cream 再酿入鸡蛋壳。几乎每个客人都会用佢黎打咭㗎。
101 浏览
2 赞好
0 留言
134 浏览
0 赞好
0 留言
🦑𝕊𝕢𝕦𝕚𝕕
食完snack 之后第一道菜餐牌原本安排嘅系蚝，餐厅知道我唔食蚝好好地帮我转左做烧鱿鱼，配劲甜嘅台湾蕃茄同法国士多啤梨。我极度建议大家要试佢地嘅Cocktail Pairing，畀多$680 一位就可以每道菜有杯特别调配鸡尾酒。而呢道菜嘅pair Cocktail 就正正系用redistilled Tabasco同gin 而制成，饮落有Tabasco 酸酸嘅味道劲有特色之余又劲开胃。
85 浏览
1 赞好
0 留言
98 浏览
0 赞好
0 留言
🌳𝔾𝕣𝕖𝕖𝕟 𝔸𝕤𝕡𝕒𝕣𝕒𝕘𝕦𝕤
同样地餐厅悉心帮我将唔食嘅海胆转左做黑松露。又系估唔到露笋可以整到一碟咁好食嘅菜，配埋伴碟嘅麻油，榛子粒同鱼做嘅汁，岀乎意料嘅好味。
73 浏览
1 赞好
0 留言
🥢𝕎𝕙𝕚𝕥𝕖 𝔸𝕤𝕡𝕒𝕣𝕒𝕘𝕦𝕤
食完露笋仲有白露笋岀场，呢碟菜系以中式金华火腿去煮个汁再淋上去伴碟，再加埋两球鱼子酱，食落完全无腥嘅感觉。值得一提餐厅嘅所有staff 态度都好好，上每道菜都会悉心同你讲解煮法同选材，令你好involve 落餐饭度而唔系将食物食左落肚就完。就算平时好少食开fine dining，你黎到都唔会好陌生嘅感觉。
46 浏览
0 赞好
0 留言
唔好睇法国菜每碟细细份会食唔饱，食完四道菜都未入主菜其实已经五六成饱。不过胜在有上佳嘅烹煮方法同埋选用顶级食材，加上有岀色嘅Cocktail pairing，令到你系一餐三个钟嘅晚餐入面都可以由头到尾保持战斗力。
🍴𝕊𝕖𝕒 ℂ𝕦𝕔𝕦𝕞𝕓𝕖𝕣
呢道算得上系我全晚最中意嘅菜。用虎虾制作嘅虾胶酿入日本北海道海参再炸香，外层干脆但内里海参同虾胶依然保持弹牙同鲜嫩。拌碟用上极浓味虾汁，再系上菜之时即场喷上薄薄一层二十年绍兴花雕酒。中国酒香加上法式菜煮法，配以鲜味食材同独特口感，绝对系呢餐饭嘅MVP!
51 浏览
0 赞好
0 留言
🥠ℂ𝕣𝕚𝕤𝕡𝕪 𝔻𝕒𝕚𝕜𝕠𝕟
终于黎到第一道主菜，厨师先将大根(白萝卜)炸到外层脆卜卜，面头放上一只日本生鸡蛋。笃穿蛋黄让蛋黄浆完整覆盖整件大根，配埋拌碟特制黑松露汁，不得赞叹总厨Vicky 可以将一样如此平民大众嘅食材烹煮岀一味如此高水准同high class 嘅菜式。
40 浏览
0 赞好
0 留言
值得特别介绍呢道菜嘅Cocktail pair 系以玄米茶，伏特加同桂花调配，温度唔系冻而系微微暖，饮落口其实似有少少酒香嘅花茶多啲，清清地好舒服。
🐑𝔸𝕧𝕖𝕪𝕣𝕠𝕟 𝕃𝕒𝕞𝕓
呢一道主菜用上法国南部羊肉，模仿中式烧肉烹调方法将外皮烤焗至香脆，皮下有薄薄一层羊脂，而羊肉恰当地煮至半熟。粉红色羊肉切落去劲淋，依然保持嫩滑口感。
36 浏览
0 赞好
0 留言
呢道菜衬配利用羊汁煮嘅粒饭，可以话系吸收哂羊嘅精华。羊味会较重但膻味绝对系可接受程度，连平时好少食羊嘅我都觉得好好味，所以唔洗惊会食唔惯。
黎到最后就系进入甜品嘅时间。食甜品之前，有全晚嘅最后一杯亦都系餐厅嘅signature Cocktail。以圆型樽装满左不同嘅水果薄片，再以薰衣草同埋Gin 调制岀呢杯充满花果香味嘅鸡尾酒，清空口腔浓烈味道，好好准备余下落黎嘅几道甜品。
🐦𝔹𝕚𝕣𝕕’𝕤 ℕ𝕖𝕤𝕥
第一道甜品以矜贵又滋补嘅燕窝制成。底层先系舖满甜甜蜜瓜粒，中层系北海道牛乳制作成嘅滑溜奶冻， 而最面层用上新鲜嘅燕窝。三层食材口感不一，建议一匙又面滗到落底，一啖品尝哂三种不同食材。咁滋润养颜嘅甜品，相信一定会受到女生嘅特别钟爱。
26 浏览
0 赞好
0 留言
🍨𝔹𝕝𝕒𝕔𝕜 𝕋𝕣𝕦𝕗𝕗𝕝𝕖
第二道岀场甜品系由黑松露雪糕配新鲜岀炉梨挞。侍应即场将梨挞一分为二，酥皮挞边劲松劲脆，加上中间一块块仲热嘅梨肉，衬埋冰冻嘅雪糕同南北杏碎，一啖将冰与火同埋唔同口感嘅食材放哂入口。好少听会用黑松露黎做甜品，但梨嘅清香岩岩可以中和左雪糕浓烈嘅味道，mix 埋一齐味道非常独特。
26 浏览
0 赞好
0 留言
🧁𝕄𝕚𝕘𝕟𝕒𝕣𝕕𝕚𝕤𝕖𝕤 𝕊𝕨𝕖𝕖𝕥 𝕊𝕖𝕝𝕖𝕔𝕥𝕚𝕠𝕟
系最后一份sweet selection 之前，加插左餐厅悉心为我呢个寿星公安排嘅生日朱古力猪仔，仲有侍应影嘅一张即影即有相，为呢餐饭留下一个回忆。Sweet selection 有五件细细嘅甜点，全部手工都非常精致，而且不乏中式点心元素，全部做得皮薄同埋仔细，亦唔会好似一般法式甜品咁劲甜，食多几件都唔会腻。
23 浏览
0 赞好
0 留言
一餐三个钟嘅中法fusion 菜到此划上句号。以前觉得自己唔会中意法国菜，加上价钱不菲，亦都相对抗拒去尝试。VEA 呢度绝对会系平时好少食或者未接触过法国菜嘅朋友去尝试嘅一间好餐厅，食完包你有赞无弹！
📍 VEA Restaurant
中环威灵顿街198号The Wellington30楼
张贴
