東園酒家宴會廳 (已結業)

大食妹又系时候为大家揾好野食，今次就一于到湾仔一间酒楼试下佢地既炒小菜。鲜竹银杏浸时蔬（$78）：听讲依道的鲜竹系自己制造，师父每日都系用豆浆自己整鲜竹用黎，所以依个鲜竹系俾出面特别好食，唔会有油味，加上菜又新鲜，唔会黄，所以时蔬浸落鲜竹入面，吸收鲜竹的味道后更加系绝配。士多啤梨骨（$78）：生炒骨平时就食得多，今次用士多啤梨浆整都系第一次食，用上新鲜士多啤梨打烂成酱汁，再用上新鲜排骨炸成，食落酸酸甜甜，真系好似食士多啤梨一样，好食过平时就咁用菠萝整既生炒骨，加上师父炸得金香，令到排骨唔会太多粉同硬，所以食多几旧都唔会有太油的口感。菜甫肉松煎蛋角（$88）：依家系街要食到出色的煎蛋角真系好难，系依到终于再次食到出色的蛋角，师父煎得好有技巧，蛋角金香得来，唔会太浓亦都唔会食到满口油，加上肉松入味，令到蛋角都吸晒肉松的味道，真系要食既小菜。今次，大食妹俾4.5个大食指数，因为依道的菜式特别，而且师父手功了得，真系小菜之选。