春田冰室

营业中

休息中

因为比一碗椰子鸡米线嘅相吸引 特登走过去去红磡会一会佢😌地点其实都几方便 我喺何文田站行去大概8分钟 又可以喺土瓜湾站出 行12分钟左右🚶🏻‍♀️呢度开咗几个月 所以装修都比较新同舒适 大量宽敞嘅卡位 加上成间舖都系用落地玻璃 所以吸收太阳自然光🌞好光猛 成个感觉好舒服食物方面除咗基本嘅冰室食品 仲有唔同嘅特式选择💕◾虫草花椰子鸡米线为咗呢碗米线而嚟 果然无令我失望😍呢个椰子鸡汤底我比100分 浓郁得嚟唔会油淋淋 相对系比较清甜 除咗椰子味 仲有淡淡嘅奶香🤤我差唔多饮晒成个汤 鸡件好滑而且好足料 有7-8件 加埋虫草花同黑木耳 感觉上更健康◽鲜茄吉列猪扒饭吉列猪扒系呢度嘅招牌 又点可以唔试🐖焗饭都系即叫即焗 亦可以拣意粉 有鲜茄/芝士白汁同咖哩汁选择🍛猪扒炸得好出色 面层嘅炸粉唔厚 好香脆 仲好大块 一揭起块猪扒 就见到满满嘅芝士 好邪恶😈◾粒粒华田脆脆雪山西多士最后食埋呢个靓靓西多士做甜品 好满足❣️西多士除咗基本嘅牛油同炼奶 加埋阿华田粉 卖相靓之余又增加咗口感层次 而且已经预先切好四方形小件 一啖一旧啱啱好🍴份量比我想像中多 食完之后我哋都超饱🤰🏻饮品方面🥤冻柠七/冻鸳鸯质素都唔错