老鳳冰室 (已結業)

好立克特饮卖相睇落系唔错，但系甜度略嫌高左啲，朋友叫左另一杯阿华田特饮都有同样情况，所以建议落单𠮶时记得嗌少甜！！黑松露海鲜炒饭炒饭够干身，粒粒分明；配料同成个饭既份量都比得足既，整体黎讲不过不失。小食拼盘小食有四种，有泰式鱼饼、炸春卷、炸鸡翼同台湾肠。全部小食既味道整体黎讲都算正常，系个鱼饼咸左小小，同埋鸡翼个酱汁另上会好啲，价钱就稍微overpriced。而服务方面，出野算快，感觉同其他茶餐厅差唔多。