韓大叔大排檔

营业中

休息中

好耐都冇食韓國菜，今日就同朋友去咗銅鑼灣登龍街韓大叔大排檔，聽個名就好似以前啲舊式小店🤣餐廳又的確係帶給人有一種親切感，服務員好友善，雖然第一次去食，但都覺得好親切。首先叫咗餐牌必食嘅醬油拼盤，揀咗醬油蝦，我其實幾鍾意食生蝦，新鮮又鮮甜，醬油鮑魚彈牙又入味😋海鮮煎餅，呢個最好趁熱食，海鮮舖面，餅底都煎到脆脆地幾香口，不過凍咗就會冇咁脆，所以要盡快食。韓式牛肉飯卷非常足料，一口一飯卷，有一種好滿足嘅感覺。傳统泡菜阿朱媽炒年糕，呢個係比較辣少少，但係又忍唔住係咁食。原味炸雞，半份都幾大份，外層脆卜卜，新鮮炸起熱辣辣，肉質嫩滑。食韓國嘢就比較濃味，又有啲辣，飲番杯凍嘅桂花烏龍水果茶即刻透心涼。另外草莓牛奶又香又滑，配上蜂巢甜甜地夠晒特別，打卡仲好靚。