壹級日本料理 (已結業)

难得一个好耐无见嘅朋友搬左入大围约食饭，介绍话美林邨个熟食亭装修左开左3间新野，其中一间系食日本料理嘅，个朋友知我钟意食日本野就带我去试下食。间餐厅环境好大，好多大枱仲要有好多卡位，都坐得几舒服。灯光就略暗，所以影啲食物相就唔系咁靓，不过食物质素真系一啲都唔差，估唔到公共屋邨开嘅日本料理都会咁有质素。我同朋友叫左2个鱼生饭，一客青瓜蟹子沙律，仲有蕃薯天妇罗。份量够哂数，个价钱仲要相当亲民，鱼生饭啲鱼生大件啖啖肉，仲要真系好有鲜味，真系好有惊喜。如果住喺附近相信呢间真系可以变做长期食堂呀。