金滿膳燒味餐室 (已結業)

放假唔想周围迫，就同男朋友去咗屋企附近呢间烧味餐室食饭，入到去觉得餐厅环境好阔落，而且系比较现代化嘅设计，墙身仲有特别嘅卡通招财猫同埋唔同嘅烧味图案，几有特色。我哋分别叫咗鸡扒蛋饭同烧味四宝饭，两个饭嘅价钱都系$50，但送到嚟好大碟，都几抵食。烧味四宝饭有齐白切鸡、叉烧、咸蛋同埋红肠，超级丰富呀。咸蛋嘅味道好香浓，用嚟送饭就一流。跟住叉烧系我最钟意食嘅烧味，叉烧肥瘦适中，识落唔会鞋，超钟意。跟住白切鸡都冇任何雪藏味，口感仲好滑添。鸡扒蛋饭有块超巨型嘅鸡扒，食落仲会有肉汁，同样口感都系唔会鞋，仲有啲香脆。然后侧边仲有大大只嘅太阳蛋，只蛋仲系流心，蛋汁捞埋啲饭食真系一流。