Green Common (屯門鄉事會路) (已結業)

假日午餐，两点几去食唔使排队，餐厅唔大，得好少枱，都唔算坐得迫，一边是餐厅，另一边有很多款素食品卖，我见都有好多人入内买嘢，即场还可以申请会员储分。叫了一款二人午餐，有好香口的乐乐鸡四件，其实都好似肯德基𠮶啲，配上的芥末蜜糖酱很美味，有菇汤或凯撒沙律拣，我拣咗配沙律，份量不少，之后又有一个热的泰式炒杂菜，虽然感觉唔到泰式，不过都好味，再嚟一个非常多紫菜的中型薄韩风新猪肉Pizza，呢个我觉得一般，还有一个芝脆焗素猪扒饭，好多芝士，呢个真系好味，好浓郁的蕃茄酱，配上紫米好有诚意，素扒像肉度高，卖相又似，饮品我们拣了冻植物奶咖啡，呢个就好淡，另外一杯叫了热养生桂圆红枣茶，好饮，二人去食竟然食唔哂，要打包。餐厅用上都系环保外卖纸盒，质素唔错。不过员工服务就一般了，一点也不殷勤。