越男仔 (已結業)

放工约左同事去行街，谂住普通食碗粉就去血拼，见登龙街新开左一间叫越男仔嘅餐厅，见个名几得意我地就二话不说咁入咗去试！店入面有分普通枱、卡位同Bar枱三种，设计都几新颖！食物方面有粉面、小食、饮品同好似车仔面咁自由配搭，都算几多选择！越式火车头汤河粉配料有生牛肉、牛丸、牛筋、牛栢叶、烤牛肉，份量好足，汤底好清甜嘅牛肉味！牛筋同牛栢叶都好爽口弹牙，生牛肉同烤牛肉都好淋身，有牛肉香味，值得下次再食！胡志明市红蕃茄四宝汤檬粉四宝有有扎肉、猪扒、猪颈肉、脆猪肉，蕃茄汤底好甜好fresh，唔会有好油嘅感觉！由于同事系蕃茄迷，佢竟然可以连汤都饮晒！越式虾饼粉面加套餐价可以配小食！虾饼又脆又爽口，旁边有酸罗白丝配埋入口去油腻！招牌原只软壳蟹同事系蟹迷所以见到即想试！做法似风沙炒蟹咁，蟹上面有炸脆嘅蒜粒，软壳蟹脆脆地有牛油味好香口！三柠七喜同利宾纳青柠梳打，最特别嘅三柠系青柠、咸柠同新鲜柠檬做成，好fresh~