Seoulmate (京都廣場) (已結業)

一讲起韩国菜，就会谂起泡菜、牛骨汤、韩式烤肉、芝士猪肋骨等等，不过呢间新式嘅韩国小清新店舖，售卖嘅产品造型非常特别，一改我对韩国菜刻板传统嘅印象。首先叫咗一杯棉花糖热朱古力，一听到呢个名，通常只系会谂起平时喺屋企即冲嘅朱古力粉，再加几粒棉花糖飘下飘下。但呢杯饮品绝对有惊喜，上面嘅棉花糖好似雪糕咁坐喺杯上面，烤过表面，令到出面脆脆地，入面热辣辣，呈半溶状态。用匙羹一bud，仲会拉到丝，系我最钟意嘅chewy质感！杯入面嘅热朱古力味道都几香浓幼滑。当然，唔系太食到甜嘅朋友一定会觉得呢杯饮品好腻好甜，但系棉花糖咁邪恶嘅嘢，间唔中甜一甜都几好呀！之后叫咗一个芒果软壳蟹pizza，虽然卖相平平无奇，但系冇谂过味道咁夹咁好食。香甜嘅芒果配上炸得酥脆嘅软壳蟹，一甜一咸，冲击味蕾！pizza系thin dough，薄薄脆脆，好快就食晒！最后叫咗一个甜品，叫做「荷兰宝宝」，系以前食过一次之后都好少再食嘅Dutch pancake。一来香港唔系好多地方有得卖，二来呢个班戟俾人嘅感觉会有啲腻感。不过呢个班戟好在唔系太油腻，质感有少少弹牙，味道有甜甜嘅蛋香，加埋旁边嘅花生酱同炼奶，真系超级超级极度邪恶！如果o