Seoulmate (京都廣場) (已結業)

幾年前食過一次主打韓國fusion菜嘅 @seoulmatecafe 印象唔錯 上兩個星期喺銅鑼灣行完街諗唔到食咩 見呢間唔洗等位就再戰😆 點知原來係最後一次食嚕 銅鑼灣分店今日已經執咗 得返將軍澳店🤭🌋 烏 卒 卒 火 山 飯 $148 外層係加咗墨魚汁打成嘅蛋白 而入面係燒汁黑豚肉飯 造型夠曬可愛(⁎⁍̴̛ᴗ⁍̴̛⁎) 除咗有火山之外 仲可以揀一舊雲☁️ 打卡唔錯 但味道就普通 飯粒口感偏濕潤 而且唔係好夠熱🥺 🍗 黃 金 鹹 蛋 炸 雞 $168 每件炸雞都沾滿鹹蛋味🥰 香脆嘅黃金外皮 同嫩滑多汁嘅雞肉 口感外脆內軟 惹味到停唔到口😋🍢 甜 辣 醬 炒 年 糕 $88 正常發揮 年糕同韓式魚蛋嘅份量都幾多下 不過年糕口感偏硬😣 唔夠軟糯煙韌☕️ 焙 茶 奶 蓋 朱 古 力 雪 山 $68 飲品有驚喜🤤 奶蓋係我鐘意果種厚重質感 細膩兼帶一絲鹹香味😚 焙茶基底濃郁醇厚 撈埋面頭嘅朱古力都唔會太甜🤪 另外朋友飲嘅果杯Baileys奶蓋都唔錯😋Been to @seoulmatecafe several years ago and came back for its contemporary Ko

夜晚同兩個閨蜜想去有生啤飲嘅餐廳chill chill.唔知係咪因為疫情關係, 好多餐廳都已經結業又或者早收。少左好多選擇。係openrice無意中搵到seoulmate呢間餐廳, 平時我地都幾鍾意食韓國野, 又見有酒飲,決定一試。我地book左位上到去安排左我地坐室外位置。餐廳佈置得好靚!尤其最鍾意個富士山燈。 我地叫左個卡邦尼年糕, 好可愛嘅雲朵飯同埋炸雞。味道唔錯！不過雲朵飯個蛋白好甜襯埋個飯有少少怪怪地。本身有諗過叫米酒,不過價錢有啲貴所以最後就只叫咗啤酒。整體唔錯, 應該會再去。

是日諗住去 時代廣場 睇 唐老鴨 呢間當年西營盤店食過一次 搬左黎銅鑼灣後都同朋友食過一次 今次就真係貪近目的地又好耐無食過而黎 誰知當湯圓好醉心睇緊姨姨淋花之際 姨姨入黎話餐廳疫情關係 就埋呢幾日就結業啦🥲🔸香煎鱈魚忌廉意粉 $78意粉很普通 不太掛汁 主角鱈魚粉漿極厚 魚亦過熟 意外地出現既蝦同帶子反而好味😅🔸紫薯拿鐵雪山 $46（午餐轉飲正價飲品-$20）賣相吸睛既 奶蓋香滑 芝士味恰到好處 紫薯拿鐵不死甜 湯圓表示滿意·有一種餐廳係 你未必成日去 亦未必覺得很精彩 但當你知道要消失既時候 又會有淡淡然既哀傷 更多是不捨那份曾經存在的回憶吧

同好soulmate食飯，梗係要嚟呢間啦，大胃食過佢兩次，都覺得整個體驗好愉快今次就唔同啲，想以甜品為主導當晚餐，所以嗌甜嘢多過嗌鹹嘢呢一舊唔係普通嘅tiramisu，而係用韓國米酒調味，唔係意式，變咁K-tiramisu，味道同樣咁正大胃差啲嗌錯呢個pizza做黃金海岸，其實佢係鹹蛋黃、一啲海鮮、芝士同菠蘿做餡意大利人肯定唔食，但就好啱我地食，啲料仲厚過餅底，纏綿又拉絲韓國似乎好興呢種鑊仔pancake，雖然係焦糖味，俾塊餅索晒，感覺唔會太甜，但又冇熱香餅咁泡上次嚟都冇雪山特飲，似乎係新加，上面有厚厚嘅芝士奶蓋，下面嘅焙茶就還原基本風味，唔會勁甜，反而用朱古力帶出甜味睇嚟呢度連水吧都好唔錯呢度環境幾舒服，係soulcial嘅好地方

一舊雲下的燒汁黑豚肉飯 $148烏卒卒火山燒汁黑豚肉飯 $148因為佢哋兩個係同一樣底所以一齊講😂賣相就非常qq，但其實個燒汁黑豚肉飯底同埋出面嘅泡泡其實都冇乜味，出面嘅泡泡仲要係甜嘅，食到我懷疑人生...屬於好睇唔好食！味增海鮮意大利粉 $138依個都無咩好出眾嘅地方，味噌味意粉真係第一次食，原本都俾幾高期望，但係少少味噌味都食唔到😂當佢係普通日式忌廉意粉都幾好食～雖然佢啲餸係幾靚，但係環境方面就真係差少少，同普通工廠大廈冇乜分別，打卡嘅話建議坐出去露台（shisha位）呢～

之前係將軍澳分店食過覺得好正 呢排想食韓國野又諗起seoulmate😆💛泡菜雞肉薄餅 $118上次食過呢個pizza覺得好足料泡菜多得黎又唔會太辣 原來兩間分店做法有少少唔同 但都好正🤣銅鑼灣係比較多芝士🤤泡菜同雞肉就相對少啲~記得襯熱食啊！😋韓燒豬仔脾鐵板芝士配薯條 $148本人真係好鐘意食芝士😂😂見到餐牌有成個pan都係芝士既菜式又點會唔揀😝四隻豬仔脾啖啖肉 幾嫩又唔會痴骨😆男朋友yam到成兜啲芝士冇哂🤣焙茶特濃朱古力雪山 $48成餐最推薦！勁打卡able😚雪山係好滑既芝士奶蓋😍唔撈既話會比較淡 記得攪勻焙茶朱古力再撈埋少少奶蓋！咁飲就最正🤩又可以就咁筆奶蓋黎食🤤

Seoulmate選址非常方便，地鐵站一出對面就係當晚同朋友選擇左坐戶外，夜晚有D微風吹下，感受新鮮空氣。戶外燈光比較暗，餐廳提供左一盞火山造型既燈比我地好得意。PS：係戶外坐，員工難留意，叫加水都麻煩。叫左個打卡首選既烏卒卒黑豚肉火山飯出面應該係蛋白加D黑色粉打出黎拿去焗。無咩特別味道，但口感有D「鞋」。入邊既黑豚肉粒，Size比一口牛細D咁。飯似意大利飯既口感。我本身鍾意食意大利飯，所以覺得幾好味，有嚼口，朋友就覺得個飯硬左D。炸軟殼蟹芒果pizza餅底夠薄夠香脆，芝士足量，芒果甜，炸軟殼蟹又唔會好油，推介泡菜芝士豆腐Size非常細，只係簡單嫩豆腐粒，加DD芝士，泡菜，車厘茄一起焗，味道一般，完全唔值個價。韓國米酒意式芝士餅咁簡單一個甜品竟然令人失望。手指餅浸泡時間太短，食落去覺得硬，完全感受唔到韓國米酒既味道係邊。Size亦好細。

突然想食韓國菜，所以就黎咗呢間位於銅鑼灣嘅新派韓國餐廳～介紹下我哋食咗咩先😆綠茶拿鐵烤自家製棉花糖綠茶拿鐵味道清新，配上甜甜嘅棉花糖味道剛剛好！雜莓梳打酸酸甜甜，莓味濃但無藥水味，非常解渴，配搭炸雞一齊食可以減低炸雞嘅油膩感，簡直係絕配！烏卒卒火山燒汁黑豚肉飯唔單止造型可愛，而且好有內涵。蛋白包裹住住黑豚肉炒飯，炒飯味道偏甜，似燒汁，飯粒軟硬適中！韓式炸雞我地揀左蜜糖芥末味同醬油味。炸雞外脆內軟，肉質鮮嫩。蜜糖芥末甜甜辣辣，加埋炸蒜粒粒就更加惹味！醬油味就比較淡口少少，但一樣咁好味😋焗蕃茄泡菜芝士豆腐酸酸辣辣嘅泡菜醬汁，嫩滑嘅豆腐，香濃嘅拉絲芝士，三者融為一體，估唔到會咁夾！食物有水準，環境又幾舒服，值得一試！

今日黎到銅鑼灣seoulmate cafe，有室內同室外座可以揀，個晚都幾大風，所以都係坐返室內算🙈雙味炸雞 $158 7/10今次揀咗甜醬油同蒜香蜜糖芥末味，上到檯都仲係熱辣辣。首先食無咁重口味既甜醬油炸雞，外面炸皮較厚，但仍能鎖住肉汁，醬汁同炸雞緊密，鹹味略重。蒜香蜜糖芥末味炸雞最好味，甜蜜糖和芥末合拍度滿分，蒜香味被掩蓋了，怕口臭既朋友都可以試下。 牛柳蛋餅 $108 6/10因為平時食得多泡菜煎餅，今次就轉戰新菜式，最後卻有點失望。牛柳沾一沾蛋漿就煎，食落口仲係蛋還蛋牛還牛旁邊附上沙律醬，點埋會好食咗。值得一讚係牛肉無渣，好容易就咬開。

已經開業多年既Seoulmate憑住與時並進既菜單同可愛既裝修一直係銅鑼灣既韓國餐廳中名列前茅。一入門口左邊牆上就有大大幅既壁畫，呢幅畫係啱啱2020年先加上，好有香港特色，另外頭頂上既白燈全部都係得意雲公仔。 魚餅年糕卷 vs 煙肉芝士腸卷 $68 7/10魚餅卷和芝士腸卷梅花間竹地排列在竹籤上，排首位的魚餅卷率先衝入我既嘴，魚餅的魚香十足，同煙韌既年糕相得益彰接住就係充滿肉香既芝士腸卷，炸得比較耐，令煙肉幾脆。兩款間隔住咁食，唔會太大罪惡感。 烤棉花糖配年糕多士伴雪糕 $68 8/10甜品非常出色，棉花糖外脆內軟。將年糕多士切開時，拉絲力度好夠食既時候如果唔小心，仲會比拉絲打中添，玩味十足紫薯拿鐵雪山 $46 8/10成杯飲品睇得又飲得，頂上既芝士奶蓋真係好似岩漿咁流落黎，仲有可可粉撒係面，水吧哥哥好用心。芝士奶蓋的甜鹹適中，入面第二層係鮮奶，底層係紫薯汁，建議食完奶蓋後拌勻黎飲，口感好豐富。

假期第三日之開始唔捨得🥲1. 炸軟殼蟹芒果薄餅 $148都幾大塊嘅 名符其實嘅10吋 個底幾薄幾脆嘅 賣相幾靚 勁多芝士 真係好多 十分邪惡 個人覺得fusion 味重過韓國味 啲料味道都正常 多啲人食開心share就啱啦 兩個人食就滯左啲2. 小食拼盤 $198有蝦球 炸餃子 燒腩肉串 炸雞同蕃薯條 全部炸物都好香脆 炸衣十分足料 鍾意食嘅可能會好鍾意 而我覺得最好食係蕃薯條 蕃薯味最濃 總括而言 要打卡 想支持小黃店 可以一試 最好book定枱就唔洗等 因為假日夜晚去都幾多人 可能呢間一早以打卡聞名 而的確賣相係幾靚嘅 想有靚靚ig story post 嘅就記得影多幾張相

第一次路過試下，叫左卡邦尼韓式炒年糕同埋芝士草莓奶蓋，炒年糕口感好煙韌，好有咬口，而且芝士味好濃，但係全碟食晒有小小膩。至於芝士草莓奶蓋就好驚喜，賣相好睇之餘，佢既芝士奶蓋好香濃，好快就飲哂！

上網見到有人介紹韓國嘢，心郁郁搵埋友人嚟呢間韓國餐廳食下。一入門口就見到好大幅壁畫，有一部份仲要係親手畫上去好靚。夏天熱辣辣嗌返杯沙冰先，飲落唔係好甜夠冰涼好清爽。紫菜飯卷一條切開咗八件，表面灑上黑白芝麻食落好香口。中間餡料主要係豬肉、紅蘿蔔絲同生菜，口感好結實。最後甜品我哋揀咗個梳乎厘班戟。班戟係即叫即整，上檯時個煎pan仲熱辣辣。Pancake上面擺咗舊牛油，放喺煎pan上溶咗佢點嚟食更加香口。Pancake軟綿綿好鬆軟，切開中間仲流出半溶嘅芝士好正！

之前黎過兩次都食唔到呢個飯，今次決定試多次！終於有得食😍烏卒卒火山燒汁黑豚肉飯 ($148) 好大舊雲包住個豚肉炒飯，食落好似疏乎厘嘅口感，係甜甜地既空氣感，入面既炒飯同豚肉都好多，食左一半都已經好飽😂Lunch set 叫咗炸雞和紫菜飯卷配薯條 ($78) 加埋炸泡菜餃子 (+$15) 呢個lunch set份量唔算多，但都算幾豐富，炸雞都幾好味～跟餐甜品有八折優惠所以我地叫咗一個☺️ 榛子焦糖香蕉韓國荷蘭寶寶班戟 ($68) 班戟係個鐵鍋上面，放一陣都仲係熱辣辣，蛋味好香好正！

同友人行銅鑼灣，差唔多晚飯時間上網搵到呢間💛💛韓式cafe。一入去已俾壁畫吸引。由於唔係好肚餓，叫咗一個主食同一個甜品醫吓肚算。先叫咗個炒年糕，味道唔錯，甜甜辣辣。年糕好煙韌，魚糕都好好味，呢個配搭冇得輸。叫咗杯啤酒送年糕，行到熱飲返杯清爽啤酒真心正！跟住叫咗個士多啤梨窩夫，估唔到好有驚喜！窩夫好煙韌，有咬口，似糯米糕窩夫。咁啱睇韓國綜藝見到有糯米糕窩夫，估唔到香港都有類似嘅野食，好興奮！少有嘅良心又好味嘅韓式 cafe！最欣賞呢度嘅甜品，下次會專程嚟食甜品！