影片
更多
2018-09-16
29 浏览
又去荃湾觅食啦～最近天气太热，热到唔系好想食饭，所以就提议去食拉面。朋友就上网揾左呢间拉面。一到嘅时候见到门口外面几个人系度排队，行近D见到佢地围住一部机系度望，我地都好睇唔透。后来观察下其他人先知道，原来呢度系要先系外面呢部机度点左餐比左钱先，先到入面坐。呢样野都几特别，唔知日本会唔会都有咁样嘅店呢～因为太蠢嘅关系，我地搞左一轮先点到餐。店员见我地入到黎，睇左一睇我地嘅单就安排左我地坐低。店面唔算好大，但系坐落几舒服，又唔会太嘈。我地每人叫左一样野饮，我叫左白提子梳打，朋友叫柚子梳打。白提子梳打嘅提子味真系好浓，但又好fresh，唔系假味一饮就爱上～柚子梳打相对比较淡D，冇咁甜，但柚子味都系好清新。个人就比较钟意白提子梳打！我嘅黑蒜油拉面黎左先，好大碗！面多，料都多。平时我出去食拉面，给果唔加叉烧嘅话通常都系得一块，但系呢度冇加都有两至三大块，真系超抵！仲要D叉烧系真系烧过嘅，食落多左一阵炭烧嘅香味，真系几有惊喜！呢个黑蒜油汤唔会太咸，饮落岩岩好，搅拌之后蒜香味都几浓，岩我呢个重口味嘅人。我见佢面有得拣直面定曲面，唔知系咪我太大乡里出城，所以都系第一次见到有曲面呢样野，朋友话咁样会更
因为太蠢嘅关系，我地搞左一轮先点到餐。店员见我地入到黎，睇左一睇我地嘅单就安排左我地坐低。店面唔算好大，但系坐落几舒服，又唔会太嘈。
我地每人叫左一样野饮，我叫左白提子梳打，朋友叫柚子梳打。白提子梳打嘅提子味真系好浓，但又好fresh，唔系假味一饮就爱上～柚子梳打相对比较淡D，冇咁甜，但柚子味都系好清新。个人就比较钟意白提子梳打！
我嘅黑蒜油拉面黎左先，好大碗！面多，料都多。平时我出去食拉面，给果唔加叉烧嘅话通常都系得一块，但系呢度冇加都有两至三大块，真系超抵！仲要D叉烧系真系烧过嘅，食落多左一阵炭烧嘅香味，真系几有惊喜！呢个黑蒜油汤唔会太咸，饮落岩岩好，搅拌之后蒜香味都几浓，岩我呢个重口味嘅人。
我见佢面有得拣直面定曲面，唔知系咪我太大乡里出城，所以都系第一次见到有曲面呢样野，朋友话咁样会更加勾汤，食落更有味，所以就拣黎试下。佢比我样像由冇咁曲，口感同直面我又觉得冇太大分别，但面食落都真系几入味，唔知呢个系咪真系曲面嘅意义呢？
我最爱嘅溏心蛋自然系冇得输甜甜地，熟嘅程度岩岩好，每次佢都系我食拉面嘅真正主菜
朋友呢个樱花虾拉面我试左一啖个汤，虾味都几浓郁，唔系得个样，如果系爱虾之人嘅话真系值得一试。
张贴
