飲茶‧私房菜 (南豐大廈) (已結業)

一行三个女仔去饮茶？应该真系好少听... 都系饮茶，不过黎呢间饮茶就好新潮。我地叫左樱花虾饭（＄109）、一笼八戒（＄49）、小食拼盘：宝石兰度＋沙姜鸡（＄119）和鸡丝拉皮（＄59）一齐食，三个人食其实真系有d多，不过又几好食。樱花虾炒饭热辣辣送上，虾仔又唔系得几只，都几足料好味；一笼八戒就真系好得意，个样都值；宝石兰度系见佢个名好特别，谂住试试，原来是芥兰，不过阵味好苦，个人觉得麻麻地；沙姜鸡就真系好好食，是我的推介，因为沙姜味浓，鸡仲好滑丶啖啖肉添；鸡丝拉皮个皮都算滑，不过鸡唔太有味，幸好个汁调得几好。虽然饱饱地，不过见到隔离枱有一个好可爱的雀笼！我地忍唔住都叫左一客鸽吞凤梨（＄59），其实系凤梨酥，味道唔错！趁快吃仲暖暖地！最后我都再叫左一客陈皮炖梨（＄59），十分滋润！其实仲有好多菜式想试，下次再要食呢！