潮食地 (已結業)

行完D2place就揾野食医肚，不时都想食下啲港式食物，但系又惊茶餐厅质素差，今次试咗潮食地感觉唔错，新式茶餐厅干净企理，食物有够港味！黑椒蜜汁薯仔牛柳酱汁好惹味，蜜汁甜甜地，配上辣辣地嘅黑椒，送饭一流！另外薯仔轻轻炸过，所以外脆内软！牛柳就一啲都唔韧，牛味亦都好足！咖喱牛筋坑腩牛筋坑腩量份量唔少，都有五至六旧！咖喱亦都好港式，但系唔会过辣，啱啱好，又系送饭一流！另外叫咗一杯红豆冰，花奶非常之足，啱晒我好奶之人！