影片
更多
2021-10-08
157 浏览
间唔中都会嚟佐敦荟呢栋building度揾食 今次见呢度开咗间新酒楼 装修都几靓 所以入咗去试一试有三款特价好嘢食 包括扣鲍鱼同鸡煲翅等等 我哋叫咗一位鸡煲翅 只需$68另外叫咗两个小菜 包括黄金虾球 同埋榄菜蜜糖肉排 虽然呢度嘅小菜单价都唔算平 但出品唔错 见到其他台食片皮鸭 即叫即烧胀卜卜好吸引鸡煲翅鸡煲翅由厨房拎出嚟 再用gas炉翻热 非常够热地上到你面前 里面好足料有两嚿鸡髀肉 同埋一梳梳嘅翅 分量十足 高汤味浓又暖胃 非常好饮黄金虾球黄金虾球新鲜烤出嚟粒粒都胀卜卜 合共有八大粒 虾肉爽口 面头包裹上满满嘅咸蛋黄碎 炸浆酥脆又唔会太厚 啱晒我口味榄菜蜜糖肉排肉排用上一字排 肥瘦适中 加上蜜糖甜甜地 非常下饭另外叫咗两碗白饭 最后仲送咗两碗姜汁蕃薯糖水 姜味够又唔会过甜 好满足 两位埋单五百蚊有找
有三款特价好嘢食 包括扣鲍鱼同鸡煲翅等等 我哋叫咗一位鸡煲翅 只需$68
另外叫咗两个小菜 包括黄金虾球 同埋榄菜蜜糖肉排 虽然呢度嘅小菜单价都唔算平 但出品唔错 见到其他台食片皮鸭 即叫即烧胀卜卜好吸引
鸡煲翅
鸡煲翅由厨房拎出嚟 再用gas炉翻热 非常够热地上到你面前 里面好足料有两嚿鸡髀肉 同埋一梳梳嘅翅 分量十足 高汤味浓又暖胃 非常好饮
黄金虾球
黄金虾球新鲜烤出嚟
粒粒都胀卜卜 合共有八大粒 虾肉爽口 面头包裹上满满嘅咸蛋黄碎 炸浆酥脆又唔会太厚 啱晒我口味
榄菜蜜糖肉排
肉排用上一字排 肥瘦适中 加上蜜糖甜甜地 非常下饭
另外叫咗两碗白饭 最后仲送咗两碗姜汁蕃薯糖水 姜味够又唔会过甜 好满足 两位埋单五百蚊有找
张贴
