桐 (已結業)

最近屋企附近开咗间寿司店，门面好干净企理。除咗做外卖之余，店内都有张台仔同埋一张长吧台可以堂食。 呢度有我最爱嘅火炙系列。 火炙芝士蟹肉棒：加入芝士为蟹棒添加咸香味道，满口咸鲜滋味。 火炙三文鱼寿司🍣：火炙过后鱼油香突出，表面微微焦香，非常美味。 火炙芝士熟虾寿司🦐：熟虾新鲜，烧过嘅芝士溶入熟虾中，鲜甜中带点芝士香味，令人回味。 火炙鹅肝寿司：本身都好喜欢食鹅肝，鹅肝喺火炙后油脂香气发挥到淋漓尽致，入口香滑，入口幼滑，香气四溢。 花之卷：作为三文鱼爱好者，花之卷系必食，三文鱼新鲜肥美，味道鲜甜，加上爽口嘅蟹子，食落去口感相当丰富。 除咗寿司之外，亦都有几款丼饭选择🍱，价钱都好优惠，今次拣咗个吉列猪扒丼同埋一口牛丼，两个都几大碗。 吉列猪扒丼🐖：猪扒香脆松软，咬落去烫口多汁韧。配菜有新鲜生菜同鲜甜蕃茄，啱晒食完脆炸嘅猪扒，用嚟清新吓口腔。 一口牛丼：粒粒珍珠米，咬落去烟韧。一口牛有牛味，而且够稔，洋葱亦够甜，加上白芝麻同香，成个饭都好好味。 丼饭仲有味噌汤或者汽水送🥤，够晒抵食！