Green Common (海港城) (已結業)

呢间主打素食嘅餐厅喺香港都有好多间分店，今日想食得健康啲，所以就入去试吓。💃🏼〈葡汁新炸鱼柳烩藜麦蒟蒻米〉🐟🍛蒟蒻米我都系第一次食，估唔到个口感几特别，食落都几似食紧米饭，而且都几饱肚，新炸鱼柳炸得好香口，十足十真嘅鱼柳一样，份量好多，几乎食唔晒添！〈芝趣焗猪扒意粉〉🧀🐷🥩🍝猪扒好大块，啖啖口感都好满足，意粉调味适中，食得健康又好味。〈Omni新蟹饼〉🦀唔讲都估唔到系素食，因为食到口感系一丝丝嘅蟹肉，炸得好脆口，仲有泰式甜辣酱沾！〈新餐肉趣趣条〉🥓将新午餐肉切成一条条好似薯条咁，食落都几得意，而酱汁仲可以拣烟熏蜜糖芥茉酱，或者茄汁，我就试咗前者，甜甜辣辣咁，几开胃。〈流心香芋西多士〉🥪呢款西多士系我最推介嘅一款食物，因为芋头蓉好多，而且唔会太甜，面包唔会炸得太干身，旁边仲有一杯芋头酱可以沾，食得好满足！〈香芋乌龙绵绵茶〉🥛虽然乌龙茶嘅味道唔算好浓，但系芋头香同埋奶盖嘅味道好夹，系一杯好好饮嘅饮品，超级推介！〈焙茶拿铁〉☕️估唔到焙茶嘅味道咁浓郁咁出，喺而家天气凉凉哋下，饮下暖嘢，个胃都舒服好多。