Cine Times小食部(時代廣場) (已結業)

宜家两个人睇场戏买埋小食要三百几蚊，除咗戏飞经常因为各种原因上调票价外，戏院小食部食物价钱亦唔平。要吸引到观众帮衬戏院小食部而唔系偷运私伙零食入场，就要动脑筋添加汽水爆谷热狗以外嘅选择，但系又要顾及食物种类必须方便喺戏院黑暗环境内进食，真系唔易。 最近去Cine Times 见到两样几特别嘅嘢。长洲大弹鱼蛋，系咪真系长洲出品就唔知，但确实比一般鱼蛋大同弹牙，仲隐隐食到鲜鱼味，正！落少少豉油辣油调味已足，毋须用咖喱汁掩盖味道！但三十蚊四粒真系贵咗啲，而且话咁快食完，似乎唔多啱做戏院小食一路睇戏一路慢慢食… 另一样粒粒雪糕，初初见到好兴奋，以为童年回忆返嚟喇！点知食落似粒粒冰多啲，一啲都唔滑，又冇香味，果汁味又假！以前𠮶只粒粒雪糕系咪揾唔番？ 要突破汽水爆谷热狗，真系唔易呀…