Cine Times小食部(時代廣場) (已結業)

今次係去睇captain marvel，因為時間唔上唔落就決定要同朋友一齊係戲院小食部買野食。好彩我地到戈個時間唔係好多人，臨開場既時候見到有好多岩岩先到，又想買野食入場既人等左都幾耐，應該都算係等到遲入場。買左朱古力細爆谷、10粒燒賣同汽水，2個人咁食都ok，填到肚。我自己就真係好鐘意食朱古力爆谷，由其是UA戈d，d朱古力味都幾出，但又唔係勁甜戈種，會係咁食食上癮，係等入場既10分鐘內都食左3分1筒咁濟。至於燒賣就正正常常啦，叫左小辣都幾惹味咖！

初二帶三隻馬騮睇電影，開場前當然買下零食，戲院小食店選擇幾多，落單後攞票在出菜位置等，好快出到，仲可以扣埋會員折扣！買得多仲可以攞埋個托盤，個托盤設計可以扣在座位處，幾方便！墨西哥脆片套餐：脆片夠脆，點埋鹹香芝士醬好好味，食唔停！細甜爆谷套餐：甜爆谷唔夠脆，好在糖漿均勻，味道唔錯跟餐汽水：夠冰夠汽紅莓橙味有汽礦泉水（$25）夠汽微甜，水果味唔假，好味！食物好味，店員雖然唔算親切，不過爽快唔推託！快快手！睇戲最開心包埋食零食！

帶肥髀睇戲，當然要買啲小食進場，上網買戲票時已買了一個爆谷加汽水套餐， 見到小食部有Hey-yo乳酪雪榚，即買多柚子味！落單後攞票在旁邊等！ 食品預備好就叫號碼，可惜小食部地方太窄，完全無位企，一邊係買戲票，另一邊進場，好窄！ 爆谷（細）：店員無問我味道，唔通得一種味道？甜爆谷外脆，脆甜漿包裹晒粒爆谷，好味！道地檸檬茶：可以唔使飲汽水！太好了！味道唔會太濃太甜，淡淡清爽茶味，可以化解爆谷甜膩！ 柚子味乳酪雪榚：三種味道！預早已經唧好入杯再雪硬，無咗軟雪榚嘅軟滑！柚子味清爽，乳酪味酸酸甜甜，好味！店員太忙，已經好爽手出食品！無乜表情！

OpenRice請睇「換諜者」，小肥無意間揀咗萬聖節前夕會情人，買爆谷時更為二人o既週五帶黎咗驚喜 。早兩日換飛時其實都已經留意到螢光幕上有關「噴血爆谷」o既廣告。牆角亦好應節地掛上蜘蛛網裝飾 。睇戲當日，仲清楚可見小食部櫃面個廣告牌前排出爆谷套餐贈送o既三款「鬼靈精怪」水樽添 。「Halloween Combo」售$89，包大汽水一杯、細爆谷一袋及「鬼靈精怪」水樽一個。Honey揀咗中間隻藍色爛牙鬼，真係幾盞鬼 。所謂「噴血爆谷」其實只係喺自選爆谷上，即甜味、咸味或雙拼，加咗幾十粒紅色o既蘋果玉桂味舖面造出噴血效果。可惜，由於蘋果玉桂味爆谷太硬同韌 ，結果honey要先挑起血紅爆谷，先再食底下正常得多o既甜爆谷。多謝OpenRice ，令XO仔今個鬼節有好戲睇、有趣怪o既「噴血爆谷」食、仲有紀念品攞返屋企添，Happy Halloween！

自從舊年暑假喺Cine Times小食部度食過桶谷爆爆谷後，XO仔一路都冇再返時代廣場睇戲。直到今年迷你兵團再次襲港，honey話想試戲院獨家售賣o既churros小食，二人先重臨UA時代。單號由一年前o既七位數字加到成為八位數字，請恕小肥腦筋唔夠靈巧，真係好難聽得入耳囉！螢光幕上o既廣告相片影出六條churros，並寫出每客$20，但當食物準備好時，方才發覺每客只有三條，似乎有誤導之嫌。Churros偏硬，調味不足，真係食唔出佢係咸定甜，早知食返桶爆谷睇吓佢有冇進步好過！

宜家兩個人睇場戲買埋小食要三百幾蚊，除咗戲飛經常因為各種原因上調票價外，戲院小食部食物價錢亦唔平。要吸引到觀眾幫襯戲院小食部而唔係偷運私伙零食入場，就要動腦筋添加汽水爆谷熱狗以外嘅選擇，但係又要顧及食物種類必須方便喺戲院黑暗環境内進食，真係唔易。 最近去Cine Times 見到兩樣幾特別嘅嘢。長洲大彈魚蛋，係咪真係長洲出品就唔知，但確實比一般魚蛋大同彈牙，仲隱隱食到鮮魚味，正！落少少豉油辣油調味已足，毋須用咖喱汁掩蓋味道！但三十蚊四粒真係貴咗啲，而且話咁快食完，似乎唔多啱做戲院小食一路睇戲一路慢慢食… 另一樣粒粒雪糕，初初見到好興奮，以為童年回憶返嚟喇！點知食落似粒粒冰多啲，一啲都唔滑，又冇香味，果汁味又假！以前嗰隻粒粒雪糕係咪揾唔番？ 要突破汽水爆谷熱狗，真係唔易呀…

早幾個禮拜，小肥同女朋友去咗時代廣場間新戲院Cine Times度拍拖睇戲，入場前當然係要買桶爆谷啦 ！Cine Times小食部就喺賣戲票部隔離，亦即係話，顧客唔洗一定要睇戲先可以買到爆谷等小食，設計嗰位人兄真係有商業頭腦 ！小食部只有一條隊，counter後面有一位姐姐負責收銀，同埋另外一位妹妹仔負責準備食物，地方望落去都幾簡單企理。小肥原本想買一桶細爆谷食，但係收銀姐姐就提議我地兩個人不如買桶中爆谷，因為中爆谷比細爆谷多一陪，但就係只係貴三蚊，抵食好多；XO仔出名心軟，耳仔仲軟，結果當然係要咗個中爆谷啦  ！收銀姐姐效率高，反應快，連埋對答加建議，落單好似打針咁，掂呀！眼見排隊等攞食物o既人都幾多吓，honey就叫我計時，睇吓我地由比完錢開始起計，要等幾耐先有爆谷食。哈，正當小肥睇完錶，啱啱影完張單之際，即三分鐘唔夠，honey就已經叫我攞張單過去攞野食，仲叫我望吓個單號有幾長！如相所示，單號為4587457，即七位數字 ，心諗洗唔洗咁誇呀？！甜爆谷（$32/細桶，$35/中桶）：甜爆谷同以前一樣，都係朱古力味，不過水準就差好遠，更犯下三大爆谷禁忌添！第一，唔熱 ：只有