翠華餐廳 (欣榮商場)

营业中

休息中

新春期间无咩拣，去左翠华食晚餐，有新春餐牌同加二服务费，系门口已经写清楚。入到黎发觉原来餐厅都几大间，拣左张卡位坐，睇下食咩好先。⭐麻辣嫩鸡米线朋友叫左碗米线，虽然餐牌上画左三只辣椒，但实际上又唔算辣㖞。份量偏少，不过刚食完下午茶不久，呢个份量都算啱啱好嘅。⭐神之叉烧饭另一个叫左推介嘅叉饭，蛋几滑仲有葱香，叉烧半肥瘦味道唔错，仲附上碟甜豉油可以捞饭。同样饭量偏少，得三份一碗饭。⭐例汤 & 时菜叉饭可以加埋汤同菜，中汤系粟米红萝卜汤，几清甜呀。时菜系菜心，几清甜。⭐醉Fun Fun浓情奶茶近期兴茅台拿铁，见翠华有泸州奶茶又想试下㖞，港式奶茶x泸州老窖，酒精成份唔知有几多呢，饮落有酒香，奶茶香滑，估到夹埋一齐又几好饮。加二后$268ok啦，仲有利是封送添。