影片
更多
2018-02-05
370 浏览
气温得几度, 天寒地冻,搅到整天都处于好想食嘢状态, 冻冰冰最好就系打边边或BBQ, 今晚跟为食友即兴到黄大仙中心来个韩式烧烤, 贪佢方便就脚, 一上地铁便到, 仲有....拣呢度最主要原因查实系我好想试吓韩式捞起......九节坂, 炑八韩烤的新年套餐就有这个意头菜。呢间韩烤好鬼大间, 座位疏落又坐得舒服, 装潢既young 又warm, 令人好舒服的感觉。一个成功的餐牌就系要让人睇完后有食嘅冲动, 牛及海鲜都令我很想食。三种调味料芥酱甜甜地, 辣辣地, 有啲似面韩式辣面豉酱。最正系佢哋个抽油烟机比较贴近烤炉, 抽烟力强劲, 唔使边食边吸油烟, 赞！两旁一边是泡菜蛋液, 另一边是芝士粟米, 免费任添任食, 芝士粟米烤芝士烤半溶状态最好食, 浆力够, 香气逼人。今晚我跟朋友吃这个步步高升贺年套餐 ($588）步步高升贺年套餐包括以下食品 ;1. 韩式前菜2. 麻酱沙律3. 九节坂4. 韩烧拼盘 ~ 牛小排, 牛前胸, 牛舌, 牛五花, 大虾及猪五花腩5. 饺子年糕汤麻酱沙律菜生菜青瓜红萝白菜盘韩式前菜四小碟泡菜 ~ 少辣带微甜, 软身入味, 好食。韩式鱼片 ~ 有少许鱼味, 微辣。酸萝
呢间韩烤好鬼大间, 座位疏落又坐得舒服, 装潢既young 又warm, 令人好舒服的感觉。
一个成功的餐牌就系要让人睇完后有食嘅冲动, 牛及海鲜都令我很想食。
三种调味料
芥酱甜甜地, 辣辣地, 有啲似面韩式辣面豉酱。
最正系佢哋个抽油烟机比较贴近烤炉, 抽烟力强劲, 唔使边食边吸油烟, 赞！两旁一边是泡菜蛋液, 另一边是芝士粟米, 免费任添任食, 芝士粟米烤芝士烤半溶状态最好食, 浆力够, 香气逼人。
今晚我跟朋友吃这个步步高升贺年套餐 ($588）
步步高升贺年套餐包括以下食品 ;
1. 韩式前菜
2. 麻酱沙律
3. 九节坂
4. 韩烧拼盘 ~ 牛小排, 牛前胸, 牛舌, 牛五花, 大虾及猪五花腩
5. 饺子年糕汤
麻酱沙律菜
生菜青瓜红萝白菜盘
韩式前菜四小碟
泡菜 ~ 少辣带微甜, 软身入味, 好食。
韩式鱼片 ~ 有少许鱼味, 微辣。
酸萝卜 ~ 酸酸甜甜好开胃
大豆芽 ~ 爽口
九节坂
呢个就系我最想试嘅韩国宫廷前菜~~~九节坂, 九节坂不同食店有不同配料, 吸引我的是其配料色彩缤纷, 味道多样化, 今晚有青瓜丝、蛋丝、牛肉丝、菠菜、 蟹柳,\、冬菇丝、 红萝卜丝及腌制萝卜丝。
材料本身味道及口感已各有特色, 只须用饼皮卷起材料便可吃用, 清淡、美味又健康, 最紧要系靓吖嘛
饺子年糕汤
内有糯米小汤圆、蛋丝、洋葱、脆肉瓜、蒜及紫菜等, 汤头清清地, 唔咸, 食完唔口渴。
好一个聚宝盆, 珠圆玉润, 金银满屋。
韩烧拼盘
从左至右 ~ 五花腩、牛小排、牛前胸、牛舌及大虾, 前排是牛五花。
呢件牛五花好明显系和牛啦, 雪花密集而分布平均。
今次件和牛火候控制得好好, 刚刚五成熟, 烧得嫩滑又油香, 牛肉味都唔错。
大虾新鲜, 够大只, 啖啖肉, 爽甜。
牛小排 ~ 打边边及BBQ 常客, 贪佢够肥美及嫩滑, 烧几下简单洒少许盐已经非常美味。
牛前胸 ~ 有咬口, 牛肉味较浓郁。
牛舌 ~ 厚切, 烧完都唔觉干, 爽口。
五花腩
失左手, 五花腩比我哋烧到干左, 唔够juicy, 另一方讲法系比较脆口及迫左唔少猪油出黎, 比较健康。
用生菜及青瓜加点芥酱卷住食, 惹味得嚟较清新, 冇咁油腻, 上层嘅猪皮及半肥瘦烧到脆脆地, 啲油又少左, 好鬼正
我哋今晚叫左两样饮品
Hite大啤 ($75)
冻冰冰都要饮啤酒？bbq与啤酒应该在一起的, 不能分开, 呢只韩国啤酒麦味比较轻, 又够冰冻爽口, 啱女仔饮, 更啱韩烧饮。
柑橘特饮（$32）
够晒大杯的梳打柑橘特饮, 可以同朋友开心share, 食完烧烤来一杯清一清喉咙, 爽晒, 可以埋单走人。
食咗咁多嘢, 饱到上心口, 质素又唔错, 埋单都唔洗八百, 抵食
张贴
