影片
更多
2023-03-24
685 浏览
放工约左朋友去中环饮返杯🍻 系中环SOHO区有间纯白门面既舖位好吸睛😍 原来系Sakeh既姊妹店Katana，以日本武士为主题，装修型格时尚~ 居酒屋好多小食拣，定价亲民，串烧都只系几十蚊，难怪平日未到7pm已经全场爆满，人气十足呀❤️🔥Katana提供多款日式佐酒小食同串烧🔥 由烧海鲜﹑肉类﹑天妇罗至主食都有。呢度亦有多款啤酒﹑梅酒﹑清酒可以拣✅ 店员热情好客，可以为你推荐合适既酒，招呼唔错👍🏻清酒♢ 🍶安艺虎土佐锦(300ml) $338店员介绍呢支酒较易入口，岩女士饮~ 呢支酒系无滤过纯米吟酿，入口香醇，后劲有少少辛，整体味道柔和圆润。前菜♢ 🌸千寿金砖玉子 $78摆盘好靓，日式萝卜片整成花花形状，好有和风感觉~ 豆腐外脆内软，入口好滑嫩，面层加左香葱同面豉酱调味，味道又几夹~♢ 🐖烟熏冲绳黑豚肉 $108冲绳黑毛猪以天然谷物饲养，肉质结实，油脂分布均匀。豚肉都几厚切，烟熏过后非常香口，啖啖肉好滋味！串烧♢ 🐓烧鸟组合 $128呢个set抵叫~ 一次过试哂佢既招牌串烧❗️分别有盐烧鸡蚝肉﹑汁烧鸡上脾肉﹑柚子胡椒鸡上脾肉。鸡肉烧得皮脆肉嫩，保持肉汁，唔会鞋口。特别钟意柚子胡椒既调味，
Katana提供多款日式佐酒小食同串烧🔥 由烧海鲜﹑肉类﹑天妇罗至主食都有。呢度亦有多款啤酒﹑梅酒﹑清酒可以拣✅ 店员热情好客，可以为你推荐合适既酒，招呼唔错👍🏻
清酒
♢ 🍶安艺虎土佐锦(300ml) $338
店员介绍呢支酒较易入口，岩女士饮~ 呢支酒系无滤过纯米吟酿，入口香醇，后劲有少少辛，整体味道柔和圆润。
前菜
♢ 🌸千寿金砖玉子 $78
摆盘好靓，日式萝卜片整成花花形状，好有和风感觉~ 豆腐外脆内软，入口好滑嫩，面层加左香葱同面豉酱调味，味道又几夹~
♢ 🐖烟熏冲绳黑豚肉 $108
冲绳黑毛猪以天然谷物饲养，肉质结实，油脂分布均匀。豚肉都几厚切，烟熏过后非常香口，啖啖肉好滋味！
串烧
♢ 🐓烧鸟组合 $128
呢个set抵叫~ 一次过试哂佢既招牌串烧❗️分别有盐烧鸡蚝肉﹑汁烧鸡上脾肉﹑柚子胡椒鸡上脾肉。鸡肉烧得皮脆肉嫩，保持肉汁，唔会鞋口。特别钟意柚子胡椒既调味，咸香中带点清新感觉，几惹味！
♢ 🐓自家制免治鸡肉软骨 $48
居酒屋必备串烧之一，啖啖免治鸡肉好绵滑，加左软骨带有咀嚼感，配上生蛋黄口感顺滑。
♢ 🐄免治牛肉棒 $58
呢款串烧真系好少见~ 唔似鸡肉软骨咁有咬口，每啖都系焦香软腍腍既牛肉，味道浓郁。
♢ 🐷荔枝猪肉卷 $32
最喜欢既串烧配搭~ 荔枝既清甜可以中和猪肉片既油腻感，味道一流。
♢ 🥗秋葵 $28
汁烧秋葵好香口，口感爽脆。
♢ 🥒翠肉瓜 $28
翠肉瓜烧得岩岩好，唔硬又唔会太腍，保持爽口。
天妇罗
♢ 🎣鳗鱼脆脆 $98
卖相好得意，堆到好似层层叠咁，估唔到咁好食！餐厅用彩色米通包住鳗鱼，炸到金黄香脆，外脆内软，推介必点！
♢ 💫海胆天妇罗 $168
最特别既天妇罗，必试！外层炸粉薄脆，入面包左满满既海胆，口感细腻，鲜味十足。
主食
♢ 🥩和牛味噌朴叶烧 $228
和牛配朴叶烧都系第一次见~ 原来系日本飞驒地区既乡土料理，佢地喜爱将食材放系朴叶上烧烤，增加风味🍁 火炉仔好够火候，烧一阵已经可以享用半生熟既和牛，加埋秘制酱汁真系好好味！仲有少少洋葱﹑香菇做伴菜。
甜品
♢ 🍎雪葩 $98
雪葩有多款口味可以拣：苹果﹑菠萝﹑水蜜桃等。原个苹果送上好可爱😍 雪葩系用真材实料既苹果肉整成，口感绵滑，带有清甜苹果味，食左咁多野清一清味蕾就最适合~
张贴
