影片
更多
2021-09-02
170 浏览
深水埗同太子交界嘅几条街，最近经历紧大规模转型，打卡店愈开愈多。但有时候间间都系西式咖啡店、食全日早餐，难免有啲乏味🙈。呢日天气好啲，食晏行咗去大南街𠮶边，见到有间新餐厅叫「Poke Go」。本身睇门面以为佢都系一般打卡咖啡店，不过见到Poke一字，我就知系食唔同菜式。🌺夏威夷鱼生饭(即Poke Bowl)，近年喺香港大受欢迎，四周围都开咗唔少店，特别系喺商业区。今次开喺深水埗，可算系区内第一Poke店。餐厅星期一至五有提供午市套餐🥢，内容包括主食同饮品，而主食有五款指定组合可供选择，定价$98或$108。自选款式价钱相若，弹性会高啲，但饮品就要额外嗌。ONO($98)，佢由三文鱼、寿司饭、温室青瓜、鸡蛋丝、芝麻、皇帝蟹棒同果仁酱整成，鱼生饭无论𩠌定饭嘅量都一样咁多😍，唔使惊食唔饱。芝麻加青瓜骤眼睇有啲似火龙果肉，哈哈。我认为呢碗用上三文鱼同蟹棒做𩠌系最大路嘅款式，而且果仁酱亦好易入口，感觉系清新版同甜啲嘅麻酱。🍚寿司饭底偏笠身，捞埋后就掩饰咗呢个弱点，但我认为可改善一下。NALU($98)，佢由八爪鱼、寿司饭、樱桃蕃茄、甜粟米、芝麻、皇帝蟹棒、辣椒碎同辛味蛋黄酱整成，呢碗颜色深啲，较
深水埗同太子交界嘅几条街，最近经历紧大规模转型，打卡店愈开愈多。但有时候间间都系西式咖啡店、食全日早餐，难免有啲乏味🙈。呢日天气好啲，食晏行咗去大南街𠮶边，见到有间新餐厅叫「Poke Go」。
本身睇门面以为佢都系一般打卡咖啡店，不过见到Poke一字，我就知系食唔同菜式。🌺夏威夷鱼生饭(即Poke Bowl)，近年喺香港大受欢迎，四周围都开咗唔少店，特别系喺商业区。今次开喺深水埗，可算系区内第一Poke店。
餐厅星期一至五有提供午市套餐🥢，内容包括主食同饮品，而主食有五款指定组合可供选择，定价$98或$108。自选款式价钱相若，弹性会高啲，但饮品就要额外嗌。
ONO($98)，佢由三文鱼、寿司饭、温室青瓜、鸡蛋丝、芝麻、皇帝蟹棒同果仁酱整成，鱼生饭无论𩠌定饭嘅量都一样咁多😍，唔使惊食唔饱。芝麻加青瓜骤眼睇有啲似火龙果肉，哈哈。我认为呢碗用上三文鱼同蟹棒做𩠌系最大路嘅款式，而且果仁酱亦好易入口，感觉系清新版同甜啲嘅麻酱。🍚寿司饭底偏笠身，捞埋后就掩饰咗呢个弱点，但我认为可改善一下。
NALU
$98
37 浏览
0 赞好
0 留言
NALU($98)，佢由八爪鱼、寿司饭、樱桃蕃茄、甜粟米、芝麻、皇帝蟹棒、辣椒碎同辛味蛋黄酱整成，呢碗颜色深啲，较为色彩缤纷🌈。味道上我亦认为更出色，因为辣辣哋，好鬼惹味。🐙弹牙嘅八爪鱼配上爆汁嘅粟米同蕃茄仔一齐食，相映成趣。呢款丼原本有和式青葱，但我哋唔啱食所以走咗。如果有特别需要，记得同店员讲啊。
梅冻蕃茄($38)，小食我哋有谂过叫蕃茄定炸莲藕片，最终拣咗前者，不过好彩丼饭都有跟一片炸莲藕，可以试埋，系几脆几正嘅🤤。讲返蕃茄先，造型几得意，去皮后放上一粒大话梅。食一啖成个人即刻醒哂，佢只酸好瞩目，系夹杂几种酸嘅味道于一身，系一道不折不扣嘅开胃菜🍅。
午餐包指定冷热饮品，并唔系普通汽水，感觉有诚意。我哋要咗热麦茶同冷压菠萝汁，两样造型都几精美。🍵麦茶连茶壶上，味道好浓郁，两个人都够饮。🍍菠萝汁味道唔错，还原度极高，好似真系食紧菠萝咁，唔会太甜。佢
总括嚟讲，深水埗而家都有Poke食喇😛，换言之打卡点又多一个，大家可以转转口味呢！小店门口位设计好Chill，木系枱櫈同墙身令人感觉舒服🪵，室内环境就行清新简约风路线，楼底好高，唔压迫。
张贴
