樂糖 (已結業)

来咗天晋汇新开嘅甜品舖，整体感觉唔错。虽然舖的面积唔算好大，入面装饰几色彩缤纷，灯色亦好光。甜品的款色亦好齐，好多仲好有特色。小弟就点咗个乐糖脆多士，超大份，两个人一齐食都超饱肚。而呢个脆多士用咗烧菠萝配云呢拿雪糕整成，烧菠萝亦系菲律宾菠萝，比起一般菠萝特别甜。好钟意多士沾上云呢拿雪糕的味道，而多士好脆口，不过食到尾就唔系好够雪糕啦，一无咗雪糕就有D干身。朋友就点咗个桂花味的日式甘酒，几钟意甘酒的米软腍但有嚼劲，再带桂花香，甜味比较重。水信玄饼系桂花荔枝味，口感好似Jelly，好弹，虽然味道唔太突出，但清清地都唔错。花茶味道清清地，几香，配甜品唔错。