Ms. Hot 麻辣燙 (已結業)

去试了最近在元朗闹得满城风雨的Ms.Hot，不知是否见报后很多人来凑热闹，是晚全店满座的。水可在自助水吧度斟，餐具在柜桶里，蛮自助的。食物17/100g，有一般丸丸肠肠，菜，菇等。还有豆制品，肉类，海鲜等，但肉同海鲜是按份计的。汤底有四款，只有麻辣汤系辣的，其余三款都唔辣。见网民个个都话贵，咁就夹少少试下先啦，夹左几片笋，冬菇，蚝菇，秀珍菇，百页结，韩式豆卜，鸭血，大肠同贡菜，面方面拎左一份红薯粉，磅起上黎81蚊，贵唔贵就见仁见智啦，只少都唔系网民所讲连碗磅。拎卡仔等上碗等了约15分钟上枱，即磅即煮热辣辣，份量都大碗嘅。汤底选了酸菜汤，上面果然有大量的咸酸菜，咸咸酸酸好味㖞，而且汤底不油腻，饮左好多。磅了的食物全部都啱数仲多左萝卜同蒿笋，送的？红薯粉吸饱了汤好正，好钟意佢烟烟韧韧嘅口感，一碗好丰富的车仔面。再加左一杯柠檬益力多，跟面半价（$13），益力多加上酸酸的柠檬，够冻够解渴。好得意的卡片味道系好味的，价钱同食一碗拉面差不多，不过夹𩠌方面就真系要就一就，唔觉唔觉就会夹左好多。食惯左车仔面模式咁加一个𩠌加几蚊，而加要自己磅就真系唔知价。