一方堂居酒屋

营业中

休息中

假日出尖沙咀做完Facial, join埋丫妹食dinner。拣咗厚福街一间楼上餐厅---一方堂居酒屋。餐厅面积不大, 踏入一眼望哂, 地方干净企理。主打刺身、寿司、串烧, 而主食款式相对较少。拣咗三款刺身, 每款刺身均为厚切,深海池鱼: 质感超爽滑, 有鲜鱼香。三文鱼: 厚切满足口感, 鱼质偏林。帆立贝: 味道鲜甜, 厚切能满足口感。三文鱼芝士卷: 饭卷包住了cream cheese同埋少少菠菜, 三文鱼放面, on top加上了食用花瓣同埋黑松露点骤, 整个入口一咬, cream cheese味道较为突出, 再食到三文鱼淡淡鱼香同埋微微黑松露香味。川海老唐扬: 海老size比预期中细只很多, 炸得酥脆, 有少少咸味, 细味食到甘香虾膏, 点沙律酱食, 味道更提升。露笋豚肉串: 豚肉紧密包住了几条幼身露笋, 清甜露笋多汁, balance了表面豚肉嘅腻。日式炒杂菜: 椰菜、菇粒炒埋一碟, 加咗木耳丝, 椰菜甘甘地, 整体水份多, 唔会太干。北海道豚肉炒面: 炒面湿炒较为林身, 配上豚肉片同埋椰菜, 几有层次。