諾亞半熟蛋糕專門店 (已結業)

好友肥糖姐生日，我哋成班 fd 上佢屋企同佢庆祝，我就身负重任去买蛋糕，我见成日食黎食去都系果啲，衬今次不如齐齐试新嘢。呢间饼店蛋糕揾咗只明星猫做代言人，同埋蛋糕款式比较新颖，我当然要买寿星女最钟意果款草莓芝士溶心蛋糕啦，店员好细心问我路程有几远，帮我加干冰，仲提醒我未食就先放雪柜，食前10分钟摆室温就可以有流心效果。肥糖姐见到个蛋糕当然好钟意啦，蛋糕面舖满红红的草莓，好鲜甜，下面系一层草莓啫喱，酸酸甜甜，之后就系溶心芝士，非常creamy，最底层系的朱古力蛋糕，朱古力味唔太突出，但整体都系好好味。