波記粉麵茶餐廳

营业中

休息中

去完银行已经 13:45 喇，剩返 15 分钟食饭，刚好见到对面开左间新面档㖞，波记，茶餐厅，去试试啦﹗附近好食既潮州粉面都执晒笠，希望依间唔会今我失望啦 ﹗好采有位坐，环境免免强强合格。感觉上好混乱，由带位、写单、入单、传菜到埋单都非常唔顺畅，楼面阿姐同收银都好生手呢。牛什面走葱，因时间关系唔可以谂太耐，求其快黎碗面先。饮啖汤、食啖面，好味㖞 ﹗好过香港仔好好。唔洗再帮衬难食又贵又颈渴既香港仔鱼蛋喇，但要行远少少。牛什又腍又入味，牛膀够棉又咽韧、肠内嫩外弹、金钱肚爽爽爽。汤底香甜浓郁，面质爽弹无得顶啦！无投诉。当然要试试自家辣椒油啦，无辣不欢既我辣椒油先系主菜。深啡色既辣椒油睇落平平无奇，但咁鬼辣既？激辣，辣到我额头背脊都飚晒汗。我要每啖面都有辣椒渣一齐送入口食架，咁先够叹麻！。蚝油唐生菜，菜叶唔够嫩，有点韧同粗糙又唔够鲜甜啰，一般。