滬點 (已結業)

今晚约左好耐冇见嘅朋友食晚饭 拣左系铜锣湾附近食 7:30pm已经好多人 一坐底左之后 就拿拿临叫野食 因为实在太肚饿😹***第一碟送到嘅系灌汤牛肉馅饼 呢个真系印象深刻 因为好多肉汁 必叫食物 要小心烫嘴慢慢咬开 招牌小笼包薄皮多汁 一个人都ko哂4只😹 之后仲叫左鸡丝粉皮同十三香煎葱油饼 用个小篮仔装住 得意得黎几香口 主食方面叫左碗少少辣嘅担担面 味道不过不失 不过黄金虾球就唔错 炸得香脆 虾又大只弹牙 中意咸蛋黄味道嘅一定要试 最后金腿干煸四季豆炒得几有获气 仲有好多肉粒