尚夢・茳煳 (已結業)

周末行完婚展，附近行街。觅食时间发现呢间中菜馆，好似颇有特色，索性试下啦。店铺位置唔算偏僻，门口就有停车位。铺面两层，楼下好多卡座，未到饭钟，人唔算多。坐低店员就问饮咩茶，惯例香片。上到黎，仲搭埋保温蜡烛，贴心抵讃！食中菜，肯定唔少得汤啦。是日推介鲜人参炖鸡，真系好浓郁的参味，汤汁清澈，入口微苦，然后回甘，搭配埋腰果，薏米，瘦肉同鸡肉，真系原汁原味，推介！小炒王用料足，有银鱼仔，虾干，豆腐同鱿鱼，搭埋主角韭菜，爆香猪油炒𩠌，够晒镬气，香口但味道又唔会太咸。后厨功夫线上，普通菜式都唔会输。江湖炒饭真系几唔错，距地噶菜脯真系好好食，以至于我专登拣出黎。材料搭配都颇讲究，卖相一流。枸杞子，菜心，咸蛋黄，食落又唔会油腻，真系好考功夫。洛神花糕好似啫喱甘，酸酸甜甜，饭后食真系消滞恩物。