尚夢・茳煳 (已結業)

喺湾仔做嘢嘅朋友带路，嚟咗呢间餐厅食晚饭，呢度装修几新派，杯杯碟碟几精致。叫咗三个小菜，榄菜榄角上肉排，肉排炸得好香脆，肥瘦相间，入口有弹牙，香脆外层有甜甜地嘅酱汁，加上咸香榄菜榄角，味道非常突出。盐烧野生黄鱼，原条炸鱼，整条鱼都系脆卜卜，每个位食得，面有少少孜然粉及白芝麻，少少香辣味，味道几香脆惹味，几好配酒。特色艇佬杂菜煲，面头有啲银鱼仔，鱿鱼，鱼干及虾米，中间啲粉丝吸收晒个鱼汤，鲜味爆棚，旁边有西兰花，小棠菜，白菜仔，生菜及菜心，食材非常丰富，原煲上枱，师傅好细心摆放各种食材，卖相好吸引。整体味道几香浓惹味，价钱公道，适合饮下啤酒吹吓水！