川燒 (已結業)

日式居酒屋的风格，配上一连串惹味串食小食，最适合一大班人聚会。无论串烧定川菜小食水准都可以价钱合理1.串烧种类选择多 仲提供麻辣凉菜(麻辣猪耳，沙姜泡椒凉拌猪手)先讲海鲜类，蛏子王同仙贝，劲肥美鲜甜，每日新鲜来货，鲜味较重，唯蒜味唔太出。肉类及蔬果类，肉汁juicy，火喉控制得好好，蔬果亦唔干身。2. 老板独门自创菜式好多出面串烧舖无得食嘅菜式，原来喺老板秘制！黑松露烧腐皮温泉玉子 $30以腐皮包住流心蛋，卖相好似架船仔，再缀以少少黑松露，入口口感好特别，可以一试。3.必食推介：野椒汁烧牛肋骨(图中) $158猪肋骨已切好片，烧得啱啱好，皮脆肉嫩，肉汁劲juicy，仲有淡淡炭香烟薰味，食都唔停口，配埋芥辣酱同薄荷酱，青瓜可以清味蕾，细心。烧一口鹅肝多士 $48鹅肝入口即溶，配埋多士层次丰富。串烧：芝士车里茄  烧茄子 黑豚肉露卷 烧波萝甜品：法式烧棉花糖朱古力厚多士 $48烧到半溶嘅棉花糖配上朱古力酱同香蕉加埋面包，甜得嚟唔觉腻，女士至爱！